சென்னை: தனியார் மருத்துவமனையில் சிகிச்சை பெற்று வந்த திமுக சட்டமன்ற உறுப்பினர் ஜெ. அன்பழகன் இன்று (ஜூன் 10 புதன் கிழமை) காலமானார்.

கொரோனா தொற்று காரணமாக ஜூன் 2ம் தேதி மருத்துவமனையில் அனுமதிக்கப்பட்ட ஜெ. அன்பழகன் சிகிச்சை பலனின்றி இன்று (ஜூன் 10 புதன் கிழமை) காலை 8.05 மணிக்கு உயிரிழந்தார். இன்று ஜெ.அன்பழகனின் பிறந்தநாளும் கூட.

ஜெ. அன்பழகன் 15 ஆண்டுகளுக்கும் மேலாக திமுகவின் தென் சென்னை மாவட்டத் தலைவராக பணியாற்றியவர். சென்னை திமுகவின் தூண்களில் ஒருவராக விளங்கியவர். 3 முறை சட்டப்பேரவை உறுப்பினராக பணியாற்றிய பெருமைக்குரியவர்.

விழுப்புரம் மாவட்டம் காணை அருகே உள்ள வெங்கமூர் கிராமம் தான் ஜெ.அன்பழகனின் சொந்த ஊர். இவரது தந்தை ஜெயராமன் இளம் வயதிலேயே சென்னைக்கு குடிபெயர்ந்து தியாகராயர் நகரில் பழக்கடை தொடங்கினார். திமுகவில் பகுதிச்செயலாளர் உள்ளிட்ட பல பொறுப்புகளை வகித்துள்ளார். திராவிட சித்தாந்தங்கள் மீது பற்றுகொண்ட பழக்கடை ஜெயராமன் தனது இரண்டு மகன்களுக்கும் அன்பழகன், கருணாநிதி என பெயர் சூட்டினார்.

ஜெ.அன்பழகனை பொறுத்தவரை மனதில் பட்டதை எதற்காகவும், யாருக்காகவும் மறைக்காமல் வெளிப்படையாக பேசும் வழக்கம் உடையவர்.

தொண்டனுக்கு ஒன்று என்றால் உதவி செய்வதில் முதல் ஆளாக முன்னுக்கு நிற்பார்.

அன்பழகன் கவலைக்கிடமாக உள்ள செய்தி அறிந்து காலையிலேயே திமுக தலைவர் மு.க.ஸ்டாலின் மருத்துவமனைக்கு சென்றுவிட்டார். அன்பழகன் உயிர்பிரியும் நேரம் அவர் மருத்துவமனையில்தான் இருந்தார். அங்கு அவருக்கு அஞ்சலி செலுத்திய பின்னர் ஸ்டாலின் வீடு திரும்பினார்.

கொரோனாவால் உயிரிழந்துள்ளதால் சுகாதாரத் துறை அதிகாரிகள் உடலை அடக்கம் செய்யவுள்ளனர். கண்ணம்மாபேட்டை சுடுக்காட்டில் நல்லடக்கம் நடைபெறவுள்ளது.

பிற செய்திகள்

34 பேர் கொண்ட திமுக அமைச்சரவை பட்டியல் வெளியீடு

செய்தி கோப்புகள்: 2021 - மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்