சென்னை: தமிழகத்தில் கொரோனாவால் பாதிக்கப்பட்டவர்களின் எண்ணிக்கை 571 ஆக அதிகரித்துள்ளது. உயிரிழந்தவர்களின் எண்ணிக்கையும் 5 ஆக உள்ளது.

தமிழகத்தில் கொரோனாவால் 485 பேர் பாதிக்கப்பட்டு இருந்த நிலையில், நேற்று மேலும் 86 பேருக்கு நோய் தொற்று உறுதி செய்யப்பட்டது. இதனால் தமிழகக்தில் கொரோனாவால் பாதிக்கப்பட்டவர்களின் எண்ணிக்கை 571 ஆக உயர்ந்து இருக்கிறது.

சென்னையில் நிருபர்களை சந்தித்த சுகாதார செயலர் பீலா ராஜேஷ் கூறியதாவது :

வீட்டுக்கண்காணிப்பில் இருப்பவர்கள்: 90,824 பேர்
அரசின் தனிமை முகாம்களில் இருப்பவர்கள்: 127 பேர்
கண்காணிப்பு முடிந்து திரும்பியவர்கள்: 10,814 பேர்
இதுவரை 4,612 பேருக்கு பரிசோதனை செய்யப்பட்டது.
இன்று, 86 பேருக்கு கொரோனா உறுதியாகியுள்ளது. அதில், 85 பேர் டில்லி மாநாட்டிற்கு சென்று வந்தவர்கள். மற்றொருவர் துபாய் சென்று வந்தவர்.
இதனையடுத்து பாதிக்கப்பட்டவர்களின் எண்ணிக்கை 571 ஆக அதிகரித்துள்ளது.
தனி வார்டில் - 1848 பேர் சிகிச்சை பெற்று வருகின்றனர்.
8 பேர் குணமடைந்து வீடு திரும்பியுள்ளனர்.
கொரோனா பாதிப்பில், தமிழகம் 2வது நிலையில் தான் உள்ளது.
நிலைமை மோசமான பின்னர் சிகிச்சைக்கு வருபவர்களே உயிரிழக்கின்றனர்.
28 நாட்கள் கண்காணிப்பில் எப்போது வேண்டுமானாலும் கொரோனா உறுதியாகலாம்.
2 முறைக்கு மேல் சோதனையில் இல்லை என முடிவு வந்த பிறகே, வீட்டிற்கு அனுப்புவோம்.
டில்லி சென்று வந்த 1,246 பேர் மருத்துவமனையில் அனுமதிக்கப்பட்டுள்ளனர்.
கொரோனா பாதிப்பில் தமிழகம் 2வது கட்டத்தில் தான் உள்ளது.
சுகாதாரத்துறையின் கண்காணிப்பில் 30 லட்சம் பேர் உள்ளனர்.
தமிழகத்தில் மொத்தம் 571 பேர் பாதிக்கப்பட்டுள்ளனர்.
அதிகபட்சமாக சென்னையில் 95 பேரும், கோயம்புத்தூரில் 58 பேரும் பாதிக்கப்பட்டுள்ளனர்.

இவ்வாறு அவர் கூறினார்.

இதனிடையே, தமிழகத்தில் கொரோனாவால் உயிரிழந்தவர்களின் எண்ணிக்கை 5 ஆக அதிகரித்துள்ளது. மதுரையில் ஏற்கனவே ஒருவர் உயிரிழந்த நிலையில் நேற்று, தேனி மற்றும் விழுப்புரத்தில் தலா ஒருவர் உயிரிழந்தார்.

இந்நிலையில், சென்னையில் ஸ்டான்லி மருத்துவமனையில் ஏப்.,3 ல் அனுமதிக்கப்பட்ட 75 வயது முதியவர் ஒரு மணி நேரத்தில் உயிரிழந்தார். பரிசோதனையில், அவருக்கு கொரோனா உள்ளது தற்போது கொரோனா இருந்தது உறுதியாகியுள்ளது. ராமநாதபுரம் மாவட்டம் கீழக்கரையை சேர்ந்த அவர், துபாயில் இருந்து திரும்பியவர்.

சென்னையை சேர்ந்த 60 வயது முதியவர், கொரோனா பாதிப்புடன் கடந்த 1ம் தேதி ஸ்டான்லி மருத்துவக்கல்லூரி மருத்துவமனையில் அனுமதிக்கப்பட்டார். இன்று (ஏப். 5) அதிகாலை 1.45 மணிக்கு சிகிச்சை பலனின்றி உயிரிழந்ததாக சுகாதாரத்துறை தெரிவித்துள்ளது.

பிற செய்திகள்

டிரம்ப் பதவி நீக்க தீர்மானம் பிரதிநிதிகள் சபையில் நிறைவேறியது தமிழகம்: ஜனவரி 19 முதல் 10 / 12ஆம் வகுப்புகளுக்கு பள்ளிகள் திறப்பு ஆக்ஸ்போர்டு ‘கோவிஷீல்ட்’ தடுப்பூசிக்கு அனுமதி வழங்க பரிந்துரை

செய்தி கோப்புகள்: 2021 - ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்