சென்னை: தமிழகத்தில் இன்று மேலும் 110 பேருக்கு கொரோனா இருப்பது உறுதியானதை அடுத்து கொரோனா பாதிக்கப்பட்டவர்களின் எண்ணிக்கை 234 ஆக உயர்ந்துள்ளது.

உலகளவில் கொரோனாவால் உயிரிழந்தவர்களின் எண்ணிக்கை 42 ஆயிரத்தைக் கடந்துள்ளது. 8.5 லட்சத்துக்கும் அதிகமானோர் பாதிப்படைந்துள்ளனர். இந்தியாவில் கரோனாவால் பாதிக்கப்பட்டோர் எண்ணிக்கை 1,700-ஐ தொட்டுள்ளது.

தமிழ்நாட்டை பொறுத்தவரை பாதிக்கப்பட்டோர் எண்ணிக்கை ஒன்று, இரண்டாக அதிகரித்து வந்த நிலையில் நேற்று முன் தினம் 17 பேர் பாதிக்கப்பட்டதாக அறிவிக்கப்பட்டது. நேற்று ஒரே நாளில் 57 பேருக்கு கொரோனா பாதிப்பு ஏற்பட்டது.

இந்நிலையில் டெல்லி மாநாட்டில் பங்கேற்றவர்களில் மேலும் 110 தமிழர்களுக்கு இன்று கொரோனா உறுதி செய்யப்பட்டுள்ளதாக சுகாதாரத்துறை செயலாளர் பீலா ராஜேஷ் அறிவித்துள்ளார். இதன் மூலம் தமிழகத்தில் கொரோனா பாதிக்கப்பட்டவர்களின் எண்ணிக்கை 234 ஆக உயர்ந்துள்ளது.

டெல்லி மாநாட்டில் கலந்து கொண்ட பெரும்பாலானோருக்கு கரோனா அறிகுறி இருக்கிறது. பலருக்கு உறுதியும் செய்யப்பட்டுள்ளது. மாநாட்டில் பங்கேற்ற 1,500 தமிழர்களில் 616 பேரின் இருக்குமிடம் தெரியவில்லை.

தற்போது இரவு, பகலாக கணக்கெடுக்கும் பணிகள் நடந்து வருவதாகவும், தொற்று கண்டறியப்பட்டுள்ளவர்களின் குடும்பத்தினர், மற்றும் தொடர்பில் இருந்தவர்கள் தனிமைப் படுத்தப்பட்டுள்ளதாகவும், பீலா ராஜேஷ் தெரிவித்துள்ளார்.

பிற செய்திகள்

டிரம்ப் பதவி நீக்க தீர்மானம் பிரதிநிதிகள் சபையில் நிறைவேறியது தமிழகம்: ஜனவரி 19 முதல் 10 / 12ஆம் வகுப்புகளுக்கு பள்ளிகள் திறப்பு ஆக்ஸ்போர்டு ‘கோவிஷீல்ட்’ தடுப்பூசிக்கு அனுமதி வழங்க பரிந்துரை

செய்தி கோப்புகள்: 2021 - ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்