புதுதில்லி: நாடெங்கும் புத்தாண்டு துவங்கிய நள்ளிரவு 12 மணி முதல் ரயில் கட்டண உயர்வு அமலுக்கு வந்தது.

சுமார் ஆறு வருடங்களுக்கு பிறகு ரயில் கட்டணங்கள் இப்போது அதிகரிக்கப்பட்டுள்ளன. அதன் விவரம் வருமாறு:

புறநகர் ரயில் சேவைகளுக்கான கட்டணத்தில், எந்த மாற்றமும் இல்லை.

சாதாரண ஏசி வசதி இல்லாத பெட்டிகளுக்கான, கட்டணம் ஒரு கிலோமீட்டருக்கு ஒரு பைசா உயர்த்தப்பட்டுள்ளது.

மெயில்கள் மற்றும் எக்ஸ்பிரஸ் ரயில்களுக்கான ஏசி வசதி இல்லாத பெட்டிகளுக்கு ஒரு கிலோ மீட்டருக்கு 2 பைசா கட்டணம் அதிகரிக்கப்பட்டு உள்ளது. ஏசி வசதி இல்லாத முதல் வகுப்பு, 2வது வகுப்பு, படுக்கை வசதி பெட்டிகளுக்கு இது பொருந்தும்.

ஏசி வகுப்புகளுக்கு ஒரு கிலோமீட்டருக்கு 4 பைசா கட்டணம் அதிகரிக்கப்பட்டு உள்ளது. ஏசி சேர் கார், 3வது வகுப்பு ஏசி, 2வது வகுப்பு ஏசி, முதல் வகுப்பு ஆகியவை 4 பைசா கட்டண வரம்புக்குள் வரும். சதாப்தி, ராஜ்தானி மற்றும் டொரோண்டோ போன்ற பிரீமியம் ரயில்களும், இந்த ரயில் கட்டண உயர்வுக்குள் வருகின்றன.

ரயில் டிக்கெட் முன்பதிவு கட்டணங்களில் மாற்றமில்லை.

அதிவிரைவு ரயில்களுக்கான கூடுதல் கட்டண விவரங்களிலும் மாற்றமில்லை.

ஏற்கனவே, முன்பதிவு செய்தவர்களுக்கு கட்டண உயர்வு பொருந்தாது.

இவ்வாறு ரயில்வே துறை தனது தகவலில் தெரிவித்துள்ளது.

சென்னை முதல் கோவை வரையிலான ஏசி வசதி கொண்ட ரயிலில் பயண கட்டணம் சுமார் ரூ.20 அதிகரிக்கலாம், சென்னையிலிருந்து, நெல்லைக்கான கட்டணம் எனில் ரூ.25 வரை அதிகரிக்க கூடும்.

பிற செய்திகள்

அரபிக்கடல் பகுதியில் புதிய காற்றழுத்த தாழ்வு நிலை உலக சுகாதார அமைப்பிலிருந்து அமெரிக்கா விலகல் : டிரம்ப் அதிரடி மீனவர்கள் ஜூன் 1-ம் தேதி முதல் மீன் பிடிக்கச் செல்லலாம் - தமிழக அரசு தமிழக அரசின் இ-சேவை மையத்தில் வேலைவாய்ப்பு சென்னை: ரயில், விமான நிலையங்களுக்கு ஆட்டோ, டாக்சி இயக்க அனுமதி திருப்பரங்குன்றம் கோவில் யானை தாக்கி பாகன் உயிரழப்பு மும்பை: சரக்கு ரயில் மோதி 17 வெளிமாநில தொழிலாளர்கள் பலி விசாகப்பட்டினம் : விஷவாயு கசிவு - 3 பேர் பலி, 1000 பேர் பாதிப்பு

செய்தி கோப்புகள்: 2020 - ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்