புதுதில்லி: நாட்டின் பொருளாதாரத்தை மேம்படுத்தும் நடவடிக்கையாக, 10 பொதுத்துறை வங்கிகள் இணைக்கப்பட உள்ளதாக நிர்மலா சீதாராமன் அறிவித்தார்.

பொதுத் துறை வங்கி தலைவர்களுடன் மத்திய நிதியமைச்சர் நிர்மலா சீதாராமன் நேற்று ஆலோசனை நடத்தினார். பொதுத் துறை வங்கி தலைவர்களை சந்தித்த பிறகு நிர்மலா சீதாராமன் டெல்லியில் நேற்று நிருபர்களுக்கு பேட்டி அளித்தார். அப்போது அவர் 10 பொதுத்துறை வங்கிகளின் இணைப்பை அவர் அறிவித்தார். அதன்படி 4 பெரிய வங்கிகளுடன், 6 சிறிய வங்கிகள் இணைக்கப்படுகின்றன. இதன்மூலம் 10 பொதுத்துறை வங்கிகள் 4 வங்கிகள் ஆகின்றன.

பஞ்சாப் நேஷனல் வங்கியுடன், ஓரியண்டல் பாங்க் ஆப் காமர்ஸ், யுனைடெட் பாங்க் ஆப் இந்தியா ஆகிய 2 வங்கிகள் இணைக்கப்படுகின்றன. இது நாட்டின் 2-வது பெரிய வங்கியாக அமையும். இதன் வர்த்தக அளவு ரூ.17 லட்சத்து 95 ஆயிரம் கோடியாக இருக்கும். மொத்தம் 11 ஆயிரத்து 437 கிளைகளை கொண்டிருக்கும்.

கனரா வங்கியுடன் சிண்டிகேட் வங்கி இணைக்கப்படுகிறது. இது நாட்டின் 4-வது பெரிய வங்கியாக திகழும். இதன் வர்த்தக அளவு ரூ.15 லட்சத்து 20 ஆயிரம் கோடியாகும். 10 ஆயிரத்து 324 கிளைகளை கொண்டிருக்கும்.

யூனியன் பாங்க் ஆப் இந்தியாவுடன் ஆந்திரா வங்கியும், கார்ப்பரேஷன் வங்கியும் இணைக்கப்படுகின்றன. இது நாட்டின் 5-வது பெரிய வங்கியாக இருக்கும். இதன் வர்த்தக அளவு ரூ.14 லட்சத்து 59 ஆயிரம் கோடியாக இருக்கும். 9,609 கிளைகளை பெற்றிருக்கும்.

இந்தியன் வங்கியுடன் அலகாபாத் வங்கி இணைக்கப்படுகிறது. இது நாட்டின் 7-வது பெரிய வங்கியாக இருக்கும். இதன் வர்த்தக அளவு ரூ.8 லட்சத்து 8 ஆயிரம் கோடி ஆகும்.

இந்த இணைப்புக்குப் பிறகு நாட்டில் பொதுத்துறை வங்கிகளின் எண்ணிக்கை 12 ஆகிவிடும். அவை, பாரத ஸ்டேட் வங்கி, பஞ்சாப் நேஷனல் வங்கி, கனரா வங்கி, யூனியன் பாங்க் ஆப் இந்தியா, இந்தியன் வங்கி, பாங்க் ஆப் இந்தியா, சென்ட்ரல் பாங்க் ஆப் இந்தியா, பாங்க் ஆப் பரோடா, இந்தியன் ஓவர்சீஸ் வங்கி, யூகோ வங்கி, பாங்க் ஆப் மகாராஷ்டிரா, பஞ்சாப் அண்ட் சிந்த் வங்கி ஆகும்.

பொதுத்துறை வங்கிகளின் வாரியத்துக்கு இனி தன்னாட்சி வழங்கப்படும் எனவும் நிர்மலா சீதாராமன் அறிவித்தார்.

பிற செய்திகள்

முன்னாள் சபாநாயகர் பி.எச் பாண்டியன் காலமானார்! ரயில் கட்டண உயர்வு : புத்தாண்டு முதல் அமலுக்கு வந்தது லக்ஷ்மன் ஸ்ருதியின் உரிமையாளர் ராமன் தற்கொலை! திமுக பேரணி: ஸ்டாலின் உட்பட 8,000 பேர் மீது வழக்கு ரூ.2 லட்சம் வரையிலான விவசாயக் கடன்கள் தள்ளுபடி குடியுரிமை சட்ட எதிர்ப்பு: மேற்கு வங்கத்தில் 5 ரயில், 15 பஸ் எரிப்பு ஹைதராபாத் பெண் மருத்துவர் கொலை: குற்றம்சாட்டப்பட்ட 4 பேர் சுட்டுக்கொலை டிசம்பர் 27, 30ல் இரு கட்ட உள்ளாட்சித் தேர்தல் - ஜனவரி 2ல் தேர்தல் முடிவு

செய்தி கோப்புகள்: 2020 - ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்