சென்னை: நாடாளுமன்றத் தேர்தலில் பா.ஜ.கவுக்கு அ.தி.மு.க சார்பில் 5 தொகுதிகள் ஒதுக்கீடு செய்யப்பட்டு உடன்பாடு ஏற்பட்டது.

இன்று காலையில் சென்னையிலுள்ள நட்சத்திர ஹோட்டலில், அதிமுக சார்பில் முதல்வர் எடப்பாடி பழனிச்சாமி, துணை முதல்வர் ஓ.பன்னீர் செல்வம், அமைச்சர்கள் தங்கமணி, ஜெயக்குமார் மற்றும் நிர்வாகிகள் மற்றும் பாமக சார்பில், அதன் நிறுவனர் ராமதாஸ், அன்புமணி ராமதாஸ் உள்ளிட்டோர் தொகுதி உடன்பாடு குறித்து பேச்சு வார்த்தை நடத்தினர். இறுதியில் பாமகவிற்கு 7 லோக்சபா தொகுதிகளும் 1 ராஜ்யசபா இடமும் ஒதுக்கீடு செய்யப்பட்டு உடன்பாடு ஏற்பட்டது.

இதையடுத்து மதியம் அஇஅதிமுக - பாஜக இடையே தொகுதி உடன்பாடு குறித்து பேச்சுவார்த்தை நடைபெற்றது. பாஜக சார்பில் பாஜகவின் தமிழக பொறுப்பாளர் பியூஷ் கோயல், முரளிதர ராவ், பொன். இராதாகிருஷ்ணன், தமிழிசை ஆகியோர் கலந்து கொண்டனர்.

இரண்டு மணி நேரத்துக்கும் மேலாக நீடித்த பேச்சுவார்த்தையைத் தொடர்ந்து பாஜகவுக்கு 5 தொகுதிகள் ஒதுக்கப்பட்டு உடன்பாடு ஏற்பட்டதாக இருகட்சிகளைச் சேர்ந்தவர்களும் அறிவித்தனர்.

தே.மு.தி.கவுடனான கூட்டணி பேச்சுவார்த்தையில் இழுபறி நீட்டித்து வருவதால், விரைவில் பேச்சுவார்த்தை முடிந்து அதிகார்ப்பூர்வ அறிவிப்பு வெளியாகும் என தெரிகிறது.

பாமக, பாஜகவுக்கு 12 தொகுதிகள் ஒதுக்கீடு செய்யப்பட்டு விட்ட நிலையில், அதிமுக வசம் தற்போது 28 தொகுதிகள் மீதம் உள்ளன.

பிற செய்திகள்

முன்னாள் சபாநாயகர் பி.எச் பாண்டியன் காலமானார்! ரயில் கட்டண உயர்வு : புத்தாண்டு முதல் அமலுக்கு வந்தது லக்ஷ்மன் ஸ்ருதியின் உரிமையாளர் ராமன் தற்கொலை! திமுக பேரணி: ஸ்டாலின் உட்பட 8,000 பேர் மீது வழக்கு ரூ.2 லட்சம் வரையிலான விவசாயக் கடன்கள் தள்ளுபடி குடியுரிமை சட்ட எதிர்ப்பு: மேற்கு வங்கத்தில் 5 ரயில், 15 பஸ் எரிப்பு ஹைதராபாத் பெண் மருத்துவர் கொலை: குற்றம்சாட்டப்பட்ட 4 பேர் சுட்டுக்கொலை டிசம்பர் 27, 30ல் இரு கட்ட உள்ளாட்சித் தேர்தல் - ஜனவரி 2ல் தேர்தல் முடிவு

செய்தி கோப்புகள்: 2020 - ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்