சென்னை: குட்கா ஊழல் தொடர்பாக, குடோன் உரிமையாளர் மாதவராவ், உணவு பாதுகாப்பு அதிகாரி செந்தில்முருகன், மத்திய கலால்துறை அதிகாரி பாண்டியன் உள்ளிட்ட 6 பேரை சிபிஐ அதிகாரிகள் கைது செய்தனர்.

சென்னை, அண்ணாநகரை சேர்ந்தவர் மாதவராவ். இவர், குட்கா உள்ளிட்ட தடை செய்யப்பட்ட பொருள்களை, சென்னை அருகே, செங்குன்றம் பகுதியில் உள்ள கிடங்கில் மறைத்து வைத்திருந்தார். இவரது வீடு, அலுவலகம், கிடங்கு உள்ளிட்ட பல இடங்களில், 2016-ல், வருமானவரி துறையினர் சோதனை நடத்தினர்.

இதில், அமைச்சர்கள், அதிகாரிகளுக்கு, பல கோடி ரூபாய் லஞ்சம் கொடுத்தது தொடர்பான விவரங்கள் அடங்கிய டைரி சிக்கியது. இதில் முறையாக விசாரணை நடக்கவில்லை என திமுக தொடர்ந்த வழக்கில் உயர் நீதிமன்றம் கடந்த ஆகஸ்ட் மாதம் சிபிஐ விசாரணைக்கு உத்தரவிட்டது.

மாதவ் ராவ் டைரி அடிப்படையில் அமைச்சர் விஜயபாஸ்கர், டிஜிபி டி.கே.ராஜேந்திரன், முன்னாள் காவல் ஆணையர் ஜார்ஜ் உட்பட உணவுப்பாதுகாப்பு அதிகாரிகள் உள்ளிட்டோர் மீது குற்றம் சாட்டப்பட்டது.

கடந்த 31-ம் தேதி குட்கா கிடங்கு உரிமையாளர் மாதவ்ராவை சிபிஐ அலுவலகத்துக்கு அழைத்து சிபிஐ விசாரணை நடத்தியது. அவரிடம் நடத்தப்பட்ட விசாரணையை அடுத்து செங்குன்றத்தில் உள்ள அவரது கிடங்கிற்கு, சி.பி.ஐ., அதிகாரிகள், 'சீல்' வைத்தனர்.

மாதவராவ் கூறிய தகவலின் அடிப்படையில் நேற்று அமைச்சர் விஜயபாஸ்கர், டிஜிபி டிகே ராஜேந்திரன், முன்னாள் காவல் ஆணையர் ஜார்ஜ் உள்ளிட்டோர் வீடு அலுவலகங்கள் உட்பட 35 இடங்களில் சோதனை நடந்தது.

சோதனையை தொடர்ந்து இன்று காலை இடைத்தரகர்கள் 2 பேர் கைது செய்யப்பட்ட நிலையில் திடீரென குட்கா கிடங்கு உரிமையாளர்கள் மாதவ்ராவ், உமாஷங்கர் குப்தா இருவரும் கைது செய்யப்பட்டனர். அவர்களுடன் உணவுப்பாதுகாப்புத்துறை அதிகாரி செந்தில்குமார், கலால் வரித்துறை அதிகாரி பாண்டியன் உள்ளிட்டோர் கைது செய்யப்பட்டனர்.

கைது செய்யப்பட்ட 6 பேரையும் சிபிஐ அலுவலகத்திற்கு அழைத்து வந்து சிபிஐ அதிகாரிகள் விசாரணை நடத்தி வருகின்றனர். அவர்கள் அளிக்கும் வாக்குமூலம் அடிப்படையில் மேலும் சிலர் கைது செய்யப்படலாம் என தெரிகிறது.

பிற செய்திகள்

சாத்தான்குளம் வழக்கு: 6 காவலர்கள் மீது கொலை வழக்கு பதிவு மாவட்டத்திற்குள் மட்டுமே பேருந்து போக்குவரத்து: முதல்வர் அறிவிப்பு சென்னை உள்ளிட்ட 4 மாவட்டங்களில் மீண்டும் முழு ஊரடங்கு மோடியை விமர்சித்த பத்திரிகையாளரை கைது செய்ய தடை திமுக எம்.எல்.ஏ. ஜெ. அன்பழகன் காலமானார் வழிபாட்டு தளங்கள், ஹோட்டல்களுக்கு வழிகாட்டுதல்கள்: மத்திய அரசு அரபிக்கடல் பகுதியில் புதிய காற்றழுத்த தாழ்வு நிலை உலக சுகாதார அமைப்பிலிருந்து அமெரிக்கா விலகல் : டிரம்ப் அதிரடி மீனவர்கள் ஜூன் 1-ம் தேதி முதல் மீன் பிடிக்கச் செல்லலாம் - தமிழக அரசு தமிழக அரசின் இ-சேவை மையத்தில் வேலைவாய்ப்பு

செய்தி கோப்புகள்: 2020 - ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்