நல்கொண்டா (தெலுங்கானா): ஆந்திர முன்னாள் முதல் மந்திரி என்.டி ராமாராவின் மகனும், நடிகர் ஜூனியர் என்.டி.ஆரின் தந்தையுமான நடிகர் நந்தமுரி ஹரிகிருஷ்ணா இன்று சாலை விபத்தில் உயிரிழந்தார்.

ஆந்திர மாநில நெல்லூர் மாவட்டத்தில் தனது ரசிகரின் திருமணத்துக்குச் செல்ல, ஹரிகிருஷ்ணாவே காரை ஓட்டிச் சென்றார். அப்போது தெலங்கானா மாநிலம் நல்கொண்டா பகுதியில் காரில் செல்லும் போது, எதிர்பாராத விதமாக அவரது கார் விபத்தில் சிக்கி கவிழ்ந்தது.

இதில் படுகாயமடைந்த ஹரிகிருஷ்ணா, உடனடியாக அருகில் இருக்கும் மருத்துவமனைக்குக் கொண்டு செல்லப் பட்டார். அங்கு தீவிர சிகிச்சை அளிக்கப்பட்டது. எனினும் அவர், சிகிச்சை பலனின்றி உயிரிழந்தார். அவருக்கு வயது 61.

ஐதராபாத் நகரின் அருகே முருதுழகுடா பகுதியில் உள்ள என்.டி.ஆர். குடும்பத்துக்கு சொந்தமான பண்ணை வீட்டில் நாளை (வியாழக்கிழமை, 30-08-2018) அவரது இறுதிச் சடங்குகள் நடைபெறும்.

தெலுங்கு தேசம் கட்சி சார்பில் மாநிலங்களவை எம்.பி.யாகவும் பணியாற்றியுள்ள ஹரிகிருஷ்ணாவின் இறுதி யாத்திரை அரசு மரியாதையுடன் நடைபெறும் என தெலுங்கானா முதல் மந்திரி சந்திரசேகர ராவ் தெரிவித்துள்ளார்.

ஹரி கிருஷ்ணா, நடிகர் ஜூனியர் என்.டி.ஆரின் தந்தை ஆவார். ஆந்திர முதல்வர் சந்திரபாபு நாயுடுவின் உறவினரான இவர், தெலுங்கு தேசம் கட்சியில் முக்கியப் பொறுப்பிலும் உள்ளார்.

ஹரிகிருஷ்ணாவின் மற்றொரு மகன் ஜானகி ராம், கடந்த 2014 -ம் ஆண்டு நடந்த விபத்தில் பலியானார் என்பது குறிப்பிடத்தக்கது. 2009 மார்ச்சில் நடிகர் ஜூனியர் என்.டி.ஆரும் கார் விபத்தில் சிக்கி மிகப்பெரிய காயங்களுடன் உயிர் தப்பியது குறிப்பிடத்தக்கது.

பிற செய்திகள்

டிரம்ப் பதவி நீக்க தீர்மானம் பிரதிநிதிகள் சபையில் நிறைவேறியது தமிழகம்: ஜனவரி 19 முதல் 10 / 12ஆம் வகுப்புகளுக்கு பள்ளிகள் திறப்பு ஆக்ஸ்போர்டு ‘கோவிஷீல்ட்’ தடுப்பூசிக்கு அனுமதி வழங்க பரிந்துரை

செய்தி கோப்புகள்: 2021 - ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்