லாவோஸ்: தெற்கு லாவோஸில் உள்ள அணை உடைந்ததால் ஏற்பட்ட வெள்ள நீரில் அடித்துச் செல்லப்பட்டு நூற்றுக்கணக்கானோர் மாயமாகியுள்ளனர்.

தெற்கு லாவோஸில் அட்டபியு மாகாணத்தில் உள்ள சான் சாய் மாவட்டத்தில் உள்ள ஒரு நீர் மின் அணை திங்கள்கிழமை இரவு 8 மணிக்கு உடைந்து விபத்துக்குள்ளானது. இதன் காரணமாக அணை அருகே உள்ள யாய் தயே, ஹின்லேட், மய், உள்ளிட்ட ஆறு கிராமங்கள் நீரில் மூழ்கியுள்ளன.

கடந்த 2013 ஆம் ஆண்டு லாவோஸில் தற்போது உடைந்துள்ள அணை கட்டும் பணி தொடங்கியது. பணிகள் நிறைவடையும் நிலையில் இந்த ஆண்டு அணையிலிருந்து மின்சாரம் உற்பத்தி செய்ய அந்நாட்டு அரசு திட்டமிட்டிருந்தது.

கடந்த சில நாட்களாக லாவோஸில் கன மழை பெய்து வந்த நிலையில், அணை உடைந்து வேகமாக வெள்ள நீர் வெளியேறியதால் வெள்ளத்தில் சிக்கி சுற்றுவட்டார கிராமங்களில் வசித்த பொதுமக்களில் நூற்றுக் கணக்கானோர் மாயமாகியுள்ளனர். 6,600-க்கும் மேற்பட்டோர் வீடுகளை இழந்து தவித்து வருகின்றனர்.

லவோஸ் ராணுவமும், மீட்பு படையினரும் வெள்ளத்தில் சிக்கியவர்களை மீட்கும் பணியில் ஈடுபட்டு வருகின்றனர். மீட்கப்பட்டவர்கள் பாதுகாப்பான இடங்களில் தங்கவைக்கப்பட்டு வருகின்றனர். லாவோஸ் நாட்டு பிரதமர் தொங்லவுன், அணை உடைந்ததால் பாதிக்கப்பட்ட பகுதிகளை பார்வையிட்டு ஆய்வு செய்து நிவாரணங்களை வழங்கும் பணியை முடுக்கிவிட்டுள்ளார்.

கம்யூனிச நாடான லாவோஸ் ஆசியாவின் மிகவும் ஏழை நாடாகும். அண்டை நாடுகளுக்கு நீர் மின் நிலையங்கள் மூலம் மின்சாரத்தை விற்பனை செய்து வருகிறது.

பிற செய்திகள்

முன்னாள் சபாநாயகர் பி.எச் பாண்டியன் காலமானார்! ரயில் கட்டண உயர்வு : புத்தாண்டு முதல் அமலுக்கு வந்தது லக்ஷ்மன் ஸ்ருதியின் உரிமையாளர் ராமன் தற்கொலை! திமுக பேரணி: ஸ்டாலின் உட்பட 8,000 பேர் மீது வழக்கு ரூ.2 லட்சம் வரையிலான விவசாயக் கடன்கள் தள்ளுபடி குடியுரிமை சட்ட எதிர்ப்பு: மேற்கு வங்கத்தில் 5 ரயில், 15 பஸ் எரிப்பு ஹைதராபாத் பெண் மருத்துவர் கொலை: குற்றம்சாட்டப்பட்ட 4 பேர் சுட்டுக்கொலை டிசம்பர் 27, 30ல் இரு கட்ட உள்ளாட்சித் தேர்தல் - ஜனவரி 2ல் தேர்தல் முடிவு

செய்தி கோப்புகள்: 2020 - ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்