ஸ்ரீநகர்: ஜம்மு காஷ்மீரில் மக்கள் ஜனநாயகக் கட்சிக்கான ஆதரவை பாஜக இன்று திடீரென விலக்கிக் கொண்டது. இதையடுத்து முதல்வர் மெகபூபா முஃப்தி தமது பதவியை ராஜினாமா செய்தார்.

காஷ்மீரில் 2014-ம் ஆண்டு நடைபெற்ற சட்டசபை தேர்தலில் மக்கள் ஜனநாயகக் கட்சி - பா.ஜ.க கூட்டணி வெற்றி பெற்றது. மக்கள் ஜனநாயகக் கட்சியின் தலைவர் முஃப்தி முகமது சயீத் முதல்வராக தேர்ந்தெடுக்கப்பட்டார். கடந்த 2016-ம் ஆண்டு அவர் மரணம் அடைந்ததை அடுத்து, மெஹபூபா முஃப்தி முதல்வராகத் தேர்ந்தெடுக்கப்பட்டார்.

மெஹபூபா முஃப்தி அரசுக்கு, அளித்த ஆதரவைத் திரும்ப பெறுவதாகப் பா.ஜ.க இன்று திடீரென அறிவித்துள்ளது. டெல்லியில் இன்று செய்தியாளர்களைச் சந்தித்த காஷ்மீர் மாநிலப் பா.ஜ.க பொறுப்பாளர் ராம் மாதவ், “காஷ்மீரில் அமைதியை நிலை நாட்டவே, மக்கள் ஜனநாயகக் கட்சியுடன் கூட்டணி அமைத்தோம். ஆனால், காஷ்மீரில் அண்மைக்காலமாகப் பயங்கரவாதம், பத்திரிகையாளர் சுடப்பட்டது உள்ளிட்ட பல அசம்பாவித சம்பவங்கள் நிகழ்ந்து வருகின்றன. எனவே, மக்கள் ஜனநாயகக் கட்சியுடான கூட்டணியைப் பா.ஜ.க வாபஸ் பெறுகிறது” என்று கூறினார்.

பாஜக இந்த முடிவை அறிவித்த உடனேயே காஷ்மீர் முதல்வர் பதவியை மெகபூபா முஃப்தி ராஜினாமா செய்தார். தமது ராஜினாமா கடிதத்தை அம்மாநில ஆளுநருக்கு அனுப்பி வைத்தார்.

87 உறுப்பினர்களைக் கொண்ட காஷ்மீர் சட்டப்பேரவையில் மக்கள் ஜனநாயகக் கட்சிக்கு 28, பா.ஜ.க-வுக்கு 25 தேசிய மாநாடு கட்சிக்கு 15 மற்றும் காங்கிரஸ் கட்சிக்கு 12 எம்.எல்.ஏ-க்கள் உள்ளனர். சட்டப்பேரவையில் பெரும்பான்மையை நிரூபிக்க மக்கள் ஜனநாயகக் கட்சிக்கு 44 எம்.எல்.ஏ-க்களில் ஆதரவு தேவை.

பிற செய்திகள்

செப். 7 முதல் மாவட்டங்களுக்கு இடையே பேருந்து மற்றும் ரயில் சேவை தமிழகத்தில் 2 நாட்களுக்கு இடியுடன் கூடிய கனமழை பெய்யும் சாத்தான்குளம் வழக்கு: 6 காவலர்கள் மீது கொலை வழக்கு பதிவு மாவட்டத்திற்குள் மட்டுமே பேருந்து போக்குவரத்து: முதல்வர் அறிவிப்பு சென்னை உள்ளிட்ட 4 மாவட்டங்களில் மீண்டும் முழு ஊரடங்கு மோடியை விமர்சித்த பத்திரிகையாளரை கைது செய்ய தடை திமுக எம்.எல்.ஏ. ஜெ. அன்பழகன் காலமானார் வழிபாட்டு தளங்கள், ஹோட்டல்களுக்கு வழிகாட்டுதல்கள்: மத்திய அரசு அரபிக்கடல் பகுதியில் புதிய காற்றழுத்த தாழ்வு நிலை உலக சுகாதார அமைப்பிலிருந்து அமெரிக்கா விலகல் : டிரம்ப் அதிரடி

செய்தி கோப்புகள்: 2020 - செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்