தூத்துக்குடி: 100 நாட்களாகப் போராடிய பொதுமக்கள் 13 பேரின் உயிர்களை பலி கொண்ட பின், பொது மக்களின் உணர்வுகளுக்கும், கருத்துகளுக்கும் முக்கியத்துவம் அளித்து ஸ்டெர்லைட் ஆலை மூடப்படுவதாக தமிழக அரசு அரசாணை வெளியிட்டுள்ளது.

100 நாட்களாக ஸ்டெர்லைட் ஆலையை மூடக்கோரி மக்கள் போராட்டம் நடத்தி வந்தனர். 100-ஆவது நாளின்போது (22-05-2018) ஆட்சியர் அலுவலகம் நோக்கி பேரணி சென்ற பொதுமக்கள் மீது துப்பாக்கிச் சூடு நடத்தப்பட்டது. இதில் 13 பேர் பரிதாபமாக பலியானார்கள். 100-க்கும் மேற்பட்டோர் காயமடைந்தனர்.

இச்சோக சம்பவம் நிகழ்ந்து 8 நாட்களுக்குப் பிறகு ஸ்டெர்லைட் ஆலையை மூட தமிழக அரசு உத்தரவு பிறப்பித்துள்ளது.

மக்களின் உணர்வுகளுக்கு மதிப்பளித்து இந்த ஆலையை நிரந்தரமாக மூட நடவடிக்கை எடுக்கப்பட்டதாக அந்த அரசாணையில் குறிப்பிடப்பட்டுள்ளது.

ஸ்டெர்லைட் ஆலைக்கு சென்ற மாவட்ட ஆட்சியர் சந்தீப் நந்தூரி முன்னிலையில் ஆலையை மூட வேண்டும் என்ற அரசாணையை ஆலை கேட்டில் அதிகாரிகள் ஒட்டினர். பின்பு அந்த ஆலைக்கு சீல் வைக்கப்பட்டது.

100 நாட்களாக போராடி 13 உயிர்களை பலி கொடுத்த பிறகு மக்களுக்கு கிடைத்த வெற்றியாகும் இது. இதை முன்னரே செய்திருந்தால் 13 உயிர்கள் பலியாகியிருக்காது.

தூத்துக்குடியில் வேதாந்தா குழுமத்தின் ஸ்டெர்லைட் தாமிர உருக்காலை கடந்த 22 ஆண்டுகளாகச் செயல்பட்டு வருகிறது. ஸ்டெர்லைட் ஆலையைத் தொடர்ந்து இயக்குவதற்கான இசைவாணை 2018 மார்ச் மாதத்துடன் முடிவடைந்தது. புதுப்பித்தல் விண்ணப்பத்தை 9-4-2018 அன்று தமிழ்நாடு மாசுக்கட்டுப்பாட்டு வாரியம் நிராகரித்தது.

பிற செய்திகள்

34 பேர் கொண்ட திமுக அமைச்சரவை பட்டியல் வெளியீடு

செய்தி கோப்புகள்: 2021 - மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்