தூத்துக்குடி: தூத்துக்குடி அண்ணாநகரில் போராட்டக்காரர்கள் மீது இன்று (புதன் 23-05-2018) மீண்டும் காவல்துறையினர் துப்பாக்கி சூடு நடத்தியதில் ஒருவர் பலியானார், 5 பேர் காயமடைந்தனர்.

ஸ்டெர்லைட் ஆலை விரிவாக்கத்துக்கு எதிராக போராட்டம் நடத்திய போராட்டக்காரர்கள் மீது நேற்று காவல்துறையினர் நடத்திய துப்பாக்கி சூட்டில் 9 பேர் பரிதாபமாக பலியானார்கள். அவர்களின் உடல்கள் தூத்துக்குடி மருத்துவமனையில் வைக்கப்பட்டுள்ளது.

இந்நிலையில் தூத்துக்குடி அண்ணாநகரில் இன்று காலை மீண்டும் கூடிய போராட்டக்காரர்கள் மீது காவல்துறையினர் தடியடி மற்றும் கண்ணீர் புகை குண்டுகளை வீசி கலைக்க முயன்றனர். இதனால் போராட்டக்காரர்களும் காவல்துறையினர் மீது கல்வீசி தாக்குதல் நடத்தினர்.

இதையடுத்து யாரும் எதிர்பாராத விதமாக காவல்துறையினர் இன்றும் மீண்டும் துப்பாக்கி சூடு நடத்தினர். இதில் காளியப்பன் (22) என்ற இளைஞர் துப்பாக்கி குண்டு பாய்ந்து உயிரழந்தார். மேலும் 5 பேர் காயம் அடைந்துள்ளனர். காயமடைந்தவர்கள் மருத்துவமனைக்கு கொண்டு செல்லப்பட்டுள்ளனர்.

நேற்று காவல்துறையினரால் நடத்தப்பட்ட துப்பாக்கிசூடு குறித்த அதிர்ச்சியும், ஆத்திரமும் பொதுமக்களிடையே விலகாத நிலையில் மீண்டும் காவல்துறையினர் போராட்டம் நடத்தும் பொதுமக்கள் மீது துப்பாக்கி சூடு நடத்தியிருப்பது தமிழகம் மக்களிடையே கொந்தளிப்பை ஏற்படுத்தியுள்ளது.

பிற மாநிலம் நிராகரித்த நச்சு தன்மையை வெளியிடும் ஒரு தனியார் ஆலைக்கு ஆதரவாகவும், அந்த ஆலையை தமிழகத்தில் இருந்து வெளியேற்ற போராடும் மக்களுக்கு எதிராகவும் தொடர்ந்து துப்பாக்கி சூடு நடத்தி வரும் தமிழக அரசுக்கு எதிராக நடுநிலையான மக்களும் கொதித்து எழும் நிலையை அரசு உருவாக்கி வருகிறது.

பிற செய்திகள்

ஒலிம்பிக்கில் இந்தியாவுக்கு வெள்ளி வென்றார் மீராபாய் சானு

செய்தி கோப்புகள்: 2021 - ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்