புதுதில்லி: கர்நாடகாவில் நாளை சனிக்கிழமை மாலை 4 மணிக்கு நம்பிக்கை ஓட்டெடுப்பு நடத்த உச்சநீதிமன்றம் உத்தரவிட்டுள்ளது.

கர்நாடாகவில் நடந்த முடிந்த தேர்தலில் எந்தக் கட்சிக்கும் அறுதிப் பெரும்பான்மை கிடைக்காத நிலையில், 78 இடங்களை வென்ற காங்கிரஸ் கட்சியும், 38 தொகுதியில் வென்ற மத சார்பற்ற ஜனதா தளம் கட்சியும் இணைந்து ஆட்சி அமைக்க உரிமை கோரின. 104 இடங்களில் வென்ற பாஜகவும் ஆட்சி அமைக்க உரிமை கோரியது.

ஆனால் யாரும் எதிர்பாராத வகையில் ஆளுநர் பாஜக கட்சியை ஆட்சி அமைக்க அழைத்தார். இதையடுத்து பாஜகவின் எடியூரப்பா நேற்று வியாழக்கிழமை காலை கர்நாடக முதலமைச்சராக பதவி ஏற்றுக் கொண்டார்.

இதை எதிர்த்து காங்கிரஸ் மற்றும் மஜத கட்சி சார்பில் வழக்கு தொடரப்பட்டிருந்தது. அந்த வழங்கு இன்று உச்ச நீதிமன்றத்தில் விசாரணைக்கு வந்தது. அப்போது இருதரப்பினரின் வாதத்தைக் கேட்ட உச்சநீதிமன்ற அமர்வு, இறுதியாக நாளை சனிக்கிழமை மாலை 4 மணிக்கு சட்டசபையில் நம்பிக்கை வாக்கெடுப்பு நடத்த உத்தரவிட்டது. ஆனால் நம்பிக்கை வாக்கெடுப்பின் போது ரகசிய ஓட்டெடுப்புக்கு உச்சநீதிமன்றம் அனுமதி வழங்க மறுத்துவிட்டது.

நம்பிக்கை வாக்கெடுப்புக்கு முன்னர் ஆங்கிலோ இந்திய நியமன உறுப்பினரை நியமிக்கவும் உச்சநீதிமன்ற தடை விதித்துள்ளது.

மேலும் முதலமைச்சர் எடியூரப்பா, நாளை வாக்கெடுப்பு நடைபெறும் வரை எந்த ஒரு முக்கிய முடிவும் எடுக்கக் கூடாது என்று உத்தரவிட்டுள்ளது.

பிற செய்திகள்

முன்னாள் சபாநாயகர் பி.எச் பாண்டியன் காலமானார்! ரயில் கட்டண உயர்வு : புத்தாண்டு முதல் அமலுக்கு வந்தது லக்ஷ்மன் ஸ்ருதியின் உரிமையாளர் ராமன் தற்கொலை! திமுக பேரணி: ஸ்டாலின் உட்பட 8,000 பேர் மீது வழக்கு ரூ.2 லட்சம் வரையிலான விவசாயக் கடன்கள் தள்ளுபடி குடியுரிமை சட்ட எதிர்ப்பு: மேற்கு வங்கத்தில் 5 ரயில், 15 பஸ் எரிப்பு ஹைதராபாத் பெண் மருத்துவர் கொலை: குற்றம்சாட்டப்பட்ட 4 பேர் சுட்டுக்கொலை டிசம்பர் 27, 30ல் இரு கட்ட உள்ளாட்சித் தேர்தல் - ஜனவரி 2ல் தேர்தல் முடிவு

செய்தி கோப்புகள்: 2020 - ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்