தேவிப்பட்டினம், ஆந்திரா: ஆந்திராவில் கிழக்கு கோதாவரி மாவட்டத்தில் கோதாவரி ஆற்றில் சென்ற படகு கவிழ்ந்ததில், அதில் பயணம் செய்த 23 பேரை காணவில்லை. அவர்களை மீட்கும் பணி நடந்து வருகிறது.

கிழக்கு கோதாவரி மாவட்டத்தில் கொண்டமோடுலு என்ற மலைகிராமத்தில் இருந்து ராஜமுந்திரிக்கு, நேற்று (15-05-208) மாலை ஒரு தனியார் படகில் 55 பேர் பயணம் மேற்கொண்டனர். இதில் ஒரே குடும்பத்தைச் சேர்ந்த 20 பேர் திருமணத்துக்காக சென்றனர். படகில் இருந்தவர்களில் பெரும்பாலானோர் மலைவாழ் மக்கள்.

தேவிபட்டினம் அருகில் சென்று கொண்டிருந்தபோது, திடீரென பலத்த காற்று வீசியது. இதில் தட்டுத்தடுமாறிய படகு, திடீரென ஆற்றில் கவிழ்ந்ததது. படகில் இருந்த 15 பேர் நீச்சல் அடித்து கரையேறினார். மீதமிருந்த 40 பேர் நீரில் மூழ்கினர்.

இதுகுறித்து, தகவல் அறிந்த தேவிப்பட்டினம் போலீசார் மற்றும் பேரிடர் மேலாண்மை மீட்பு படையினர் சம்பவ இடத்துக்கு வந்து காணாமல் போனவர்களை மீட்கும் பணியில் தீவிரமாக ஈடுபட்டனர். பின்னர் 17 பேர் உயிருடன் மீட்கப்பட்டனர். 23 பேரின் நிலை என்னவென்று தெரியவில்லை.

போலீசார் நடத்திய விசாரணையில், அனுமதியில்லாமலும் கூடுதலாக 7 பயணிகளுடனும் படகு இயக்கப்பட்டதால் விபத்து ஏற்பட்டிருப்பது தெரியவந்துள்ளது. இதுதொடர்பாக தேவிப்பட்டினம் போலீசார் படகு உரிமையாளர் காஜாவை கைது செய்தனர்.

கடந்த 11ம் தேதி கோதாவரி ஆற்றில் சென்ற தனியார் படகில் தீ விபத்து ஏற்பட்ட நிலையில், உடனடியாக 120 பயணிகள் பத்திரமாக மீட்கப்பட்டனர்.

பிற செய்திகள்

அமெரிக்காவில் கண்டெய்னரில் அகதிகள் 46 பேர் சடலமாக மீட்பு அமெரிக்காவில் கண்டெய்னரில் அகதிகள் 46 பேர் சடலமாக மீட்பு

செய்தி கோப்புகள்: 2022 - ஜூலை, ஜூன், மே 2021 - செப்டம்பர் | ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்