எர்ணாகுளம்: தமிழகத்திலிருந்து கேரள மாநிலம் எர்ணாகுளத்திற்கு நீட் தேர்வு எழுதச் சென்ற மாணவன் கஸ்தூரி மகாலிங்கத்தின் தந்தை கிருஷ்ணசாமி, திடீரென்று மாரடைப்பு ஏற்பட்டு உயிரிழந்த சம்பவம் தமிழகத்தில் பெரும் சோகத்தையும் கொந்தளிப்பையும் ஏற்படுத்தி உள்ளது.

மருத்துவ இடங்களுக்கான நீட் தேர்வுக்கு எதிராக தமிழகம் முழுவதும் எதிர்ப்பு தொடர்ந்து கொண்டிருக்கும் நிலையில், இந்த ஆண்டுக்கான நீட் நுழைவுத் தே்ாவு இன்று (06-05-2018) நடைபெற்றது. தேர்வு மையத்தை கூட தமிழகத்தில் அமைக்க இயலாத, கையாலாகாதா மத்திய இடைநிலை கல்வி வாரியத்தினால் (சிபிஎஸ்இ), தமிழகத்தில் இருந்து 5 ஆயிரத்திற்கும் அதிகமான மாணவா்கள் கேரளா, கா்நாடகம், ஆந்திரா, சிக்கிம், ராஜஸ்தான் உள்ளிட்ட மாநிலங்களில் தோ்வு எழுத வேண்டிய கட்டாயத்துக்கு உள்ளாக்கப்பட்டனர்.

கேரளா, எர்ணாகுளத்திற்கு நீட் எழுத தனது தந்தை கிருஷ்ணசாமியுடன் திருவாரூர் மாவட்டம் திருத்துறைப்பூண்டி விளக்குடியைச் சேர்ந்த கஸ்தூரி மகாலிங்கம் சென்றிருந்தார்.

மகனை அனுப்பி வைத்து விட்டு விடுதியில் தங்கியிருந்த கிருஷ்ணசாமிக்கு திடீரென்று மாரடைப்பு ஏற்பட்டுள்ளது. இதையடுத்து, அருகிலுள்ள எர்ணாகுளம் சிட்டி மருத்துவமனைக்கு சிகிச்சைக்காக கொண்டு செல்லப்பட்டார். ஆனால், அங்கு அவர் உயிரிழந்ததாக அறிவிக்கப்பட்டது.

மரணமடைந்த கிருஷ்ணசாமியின் உடல் பிரேத பரிசோதனை மேற்கொள்ளாமலேயே தமிழகம் எடுத்து வரப்படுகிறது. கிருஷ்ணசாமி உடலை எடுத்து வரும் ஆம்புலன்சுக்கு தமிழக எல்லை வரை கேரள போலீசாரும், பின்னர் தமிழக போலீசாரும் பாதுகாப்பு வழங்க உள்ளனர்.

இச்சம்பவம் தமிழகத்தில் பெரும் பரபரப்பை ஏற்படுத்தியுள்ளது. மேலும், நீட் தேர்விற்கு எதிர்ப்பு தெரிவித்து போராட்டம் வெடித்துள்ளது.

எர்ணாகுளத்தில் உயிரிழந்த கிருஷ்ணசாமியின் குடும்பத்திற்கு தமிழக முதல்வர் எடப்பாடி பழனிசாமி ரூ.3 லட்சம் நிதியுதவி அறிவித்துள்ளார். கிருஷ்ணசாமி மனைவியிடம் தொலைபேசி மூலம் பேசிய தமிழக முதல்வர் எடப்பாடி பழனிசாமி தனது இரங்கலை தெரிவித்தார். மேலும் மாணவர் கஸ்தூரி மகாலிங்கத்தின் கல்வி செலவை தமிழக அரசே முழுமையாக ஏற்கும் என உறுதியளித்துள்ளார்.

பிற செய்திகள்

செப். 7 முதல் மாவட்டங்களுக்கு இடையே பேருந்து மற்றும் ரயில் சேவை தமிழகத்தில் 2 நாட்களுக்கு இடியுடன் கூடிய கனமழை பெய்யும் சாத்தான்குளம் வழக்கு: 6 காவலர்கள் மீது கொலை வழக்கு பதிவு மாவட்டத்திற்குள் மட்டுமே பேருந்து போக்குவரத்து: முதல்வர் அறிவிப்பு சென்னை உள்ளிட்ட 4 மாவட்டங்களில் மீண்டும் முழு ஊரடங்கு மோடியை விமர்சித்த பத்திரிகையாளரை கைது செய்ய தடை திமுக எம்.எல்.ஏ. ஜெ. அன்பழகன் காலமானார் வழிபாட்டு தளங்கள், ஹோட்டல்களுக்கு வழிகாட்டுதல்கள்: மத்திய அரசு அரபிக்கடல் பகுதியில் புதிய காற்றழுத்த தாழ்வு நிலை உலக சுகாதார அமைப்பிலிருந்து அமெரிக்கா விலகல் : டிரம்ப் அதிரடி

செய்தி கோப்புகள்: 2020 - செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்