சென்னை: கட்சிக் கொறடா உத்தரவை மீறி அதிமுக அரசுக்கு எதிராக ஓட்டளித்த ஓ.பி.எஸ். உட்பட 11 எம்.எல்.ஏ.க்களையும் தகுதி நீக்கம் செய்ய சபாநாயகருக்கு உத்தரவிடக் கோரி திமுக தொடர்ந்த வழக்கை தள்ளுபடி செய்து உத்தரவிட்டிருக்கிறது சென்னை உயர்நீதிமன்றம்.

முதலமைச்சராக பதவியேற்ற பழனிசாமி அரசு மீது கடந்த 2017ம் ஆண்டு பிப்ரவரி மாதம் நம்பிக்கை கோரும் தீர்மானம் கொண்டுவரப்பட்டது. திமுக உறுப்பினர்கள் சட்டப்பேரவையில் இருந்து வெளியேற்றப்பட்ட பிறகு நம்பிக்கை கோரும் வாக்கெடுப்பு நடைபெற்றது.

அதில் அதிமுக-வை சேர்ந்த பன்னீர்செல்வம், ஆறுக்குட்டி, சண்முகநாதன், மாணிக்கம், மனோகரன், பாண்டியராஜன், மனோரஞ்சிதம், சரவணன், செம்மலை, சின்னராஜ், நடராஜ் ஆகிய 11 பேர் ஆளும் அரசுக்கு எதிராக வாக்களித்தனர்.

கொறடா உத்தரவை மீறி எதிர்த்து வாக்களித்த ஓபிஎஸ் உள்பட 11 எம்.எல்.ஏக்களை தகுதி நீக்கம் செய்ய வேண்டும் என்று தி.மு.க. கொறடா சக்கரபாணி ஐகோர்ட்டில் ஒரு வழக்கு தொடர்ந்தார். இதே கோரிக்கையுடன் டி.டி.வி.தினகரன் ஆதரவாளர்களான வெற்றிவேல், தங்க தமிழ்செல்வன் உள்பட 4 பேர் ஐகோர்ட்டில் வழக்கு தொடர்ந்தனர்.

இவ்வழக்கை சென்னை உயர்நீதிமன்றத்தின் தலைமை நீதிபதி இந்திரா பானர்ஜி தலைமையிலான அமர்வு விசாரித்து வந்தது. வழக்கின் இறுதி விசாரணை கடந்த பிப்ரவரி 27 ஆம் தேதி நிறைவடைந்தது.

இந்நிலையில், தலைமை நீதிபதி இந்திரா பானர்ஜி, நீதிபதி அப்துல் குத்தூஸ் ஆகியோர் அடங்கிய முதல் அமர்வு வழக்கின் தீர்ப்பை இன்று வழங்கியது. தீர்ப்பில், “சபாநாயகர் அதிகாரம் தொடர்பான வழக்கு உச்ச நீதிமன்றத்தில் நிலுவையில் இருப்பதால் தகுதிநீக்கி உத்தரவிட முடியாது. சபாநாயகரின் முடிவில் நீதிமன்றம் தலையிட முடியாது” என்று கூறி, மனுவைத் தள்ளுபடி செய்து உத்தரவிட்டனர். எனினும் திமுக தரப்பில் மேல் முறையீடு செய்யலாம் எனவும் அவர்கள் கருத்து தெரிவித்தனர்.

பிற செய்திகள்

கிரிக்கெட் விளையாடிய போது மார்பில் பந்து தாக்கி இளைஞர் உயிரிழப்பு முன்னாள் சபாநாயகர் பி.எச் பாண்டியன் காலமானார்! ரயில் கட்டண உயர்வு : புத்தாண்டு முதல் அமலுக்கு வந்தது லக்ஷ்மன் ஸ்ருதியின் உரிமையாளர் ராமன் தற்கொலை! திமுக பேரணி: ஸ்டாலின் உட்பட 8,000 பேர் மீது வழக்கு ரூ.2 லட்சம் வரையிலான விவசாயக் கடன்கள் தள்ளுபடி குடியுரிமை சட்ட எதிர்ப்பு: மேற்கு வங்கத்தில் 5 ரயில், 15 பஸ் எரிப்பு ஹைதராபாத் பெண் மருத்துவர் கொலை: குற்றம்சாட்டப்பட்ட 4 பேர் சுட்டுக்கொலை டிசம்பர் 27, 30ல் இரு கட்ட உள்ளாட்சித் தேர்தல் - ஜனவரி 2ல் தேர்தல் முடிவு

செய்தி கோப்புகள்: 2020 - பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்