டெல்லி: ஐபிஎல் போட்டிகளில் தொடர் தோல்வி காரணமாக டெல்லி டேர்டெவில்ஸ் அணியின் கேப்டன் பொறுப்பில் இருந்து கவுதம் கம்பீர் விலகியுள்ளார். புதிய கேப்டனாக ஸ்ரேயாஸ் ஐயர் நியமிக்கப்பட்டுள்ளார்.

கடந்த 7-ம் தேதி தொடங்கிய ஐபிஎல் போட்டி தொடரில் சென்னை, டெல்லி, மும்பை, ஐதராபாத், கொல்கத்தா, பஞ்சாப், பெங்களூரு, ராஜஸ்தான் ஆகிய 8 அணிகள் பங்கேற்றுள்ளனர். இறுதியில் 4 இடங்கள் பிடிக்கும் அணி பிளே ஆப் சுற்றுக்கு முன்னேறுவர்.

டெல்லி டேர்டெவில்ஸ் அணி இதுவரை தான் விளையாடிய 6 போட்டிகளில் ஒன்றில் மட்டுமே வெற்றி பெற்றுள்ளது. இந்த அணிக்குத் தலைவராக கவுதம் கம்பீர் செயல்பட்டு வந்தார்.

தொடர் தோல்விக்கு பொறுப்பேற்று கேப்டன் கவுதம் கம்பீர் பதவி விலகுவதாக அறிவித்துள்ளார். இதையடுத்து டெல்லி அணியின் புதிய கேப்டனாக ஷ்ரேயாஸ் ஐயர் நியமிக்கப்பட்டுள்ளார்.

ஷ்ரேயாஸ் ஐயர் தலைமையிலான அணி 27-ம் தேதி நடைபெற உள்ள லீக் ஆட்டத்தில் கொல்கத்தா அணியை எதிர்கொள்கிறது.

“டெல்லி அணிக்கு போதுமான பங்களிப்பை என்னால் அளிக்க முடியவில்லை. கேப்டன் பதவியில் இருந்து விலகுவது தனிப்பட்ட முடிவு. கேப்டன் பதவியில் இருந்து விலகுவதற்கு இதுதான் சரியான் தருணம் என்று நான் கருதுகிறேன்” என்று பதவி விலகிய கவுதம் கம்பீர் தெரிவித்துள்ளார்.

கடந்த ஆண்டுகளில் கவுதம் காம்பீர் கொல்கத்தா அணியில் கேப்டனாக இருந்த போது அணியை சிறப்பாக வழிநடத்தி 2 முறை கோப்பையை பெற்று தந்துள்ளார்.

ரிக்கி பாண்டிங், குமார் சங்கக்காரா, டேனியல் வெட்டோரி, ஷிகர் தவண் ஆகியோரும் இதே போன்று கேப்டன்சியை இதற்கு முன் துறந்துள்ளது குறிப்பிடத்தக்கது.

பிற செய்திகள்

டிரம்ப் பதவி நீக்க தீர்மானம் பிரதிநிதிகள் சபையில் நிறைவேறியது தமிழகம்: ஜனவரி 19 முதல் 10 / 12ஆம் வகுப்புகளுக்கு பள்ளிகள் திறப்பு ஆக்ஸ்போர்டு ‘கோவிஷீல்ட்’ தடுப்பூசிக்கு அனுமதி வழங்க பரிந்துரை

செய்தி கோப்புகள்: 2021 - ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்