நியூயார்க் டிரம்ப் டவரின் 50-வது மாடியில் தீவிபத்து: ஒருவர் பலி கடைசியாக புதுப்பிக்கப்பட்டது : ஏப்ரல் 08, 2018, 11:10 [IST] நேற்று மாலை சுமார் உள்ளூர் நேரப்படி 5.30 மணியளவில் 60 மாடிகளைக் கொண்ட டிரம்ப் டவரின் 50-வது மாடியில் திடீரென தீ பற்றி மளமளவென பரவியது. தகவலறிந்து அங்கு ஐந்துக்கு மேற்பட்ட தீயணைப்பு வாகனங்களில் வந்த சுமார் 140க்கு மேற்பட்ட வீரர்கள் போராடி தீயை அணைத்தனர். இந்த தீவிபத்தில் சிக்கிய ஒருவர் படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டார். எனினும் அவர் சிகிச்சை பலனளிக்காமல் உயிரிழந்தார். மேலும் 4 பேர் காயமடைந்து மருத்துமனையில் அனுமதிக்கப்பட்டுள்ளனர். அமெரிக்க அதிபர் டிரம்ப் மேற்பரப்பில் உள்ள 3 அடுக்குகளை தனது வீடாக மாற்றி வசித்து வருகிறார். அதிபராகப் பொறுப்பேற்ற பின்னர் டிரம்ப் வாஷிங்டன் நகரில் வசித்து வருகிறார். எனினும் நியூயார்க் வரும் போது இங்குள்ள வீட்டில் தங்குவார். விரைந்து தீயை அணைத்த தீயணைப்பு படை வீரர்களுக்கு அதிபர் டிரம்ப் ட்விட்டரில் நன்றி தெரிவித்துள்ளார். |
|
எமது கௌதம் பதிப்பகம் & தரணிஷ் பப்ளிகேசன்ஸ் சார்பில் நூல் வெளியிட தொடர்பு கொள்க பேசி: +91-94440-86888 |
|
|
|