சென்னை: அண்ணா பல்கலைக்கழகத்திற்கு துணைவேந்தராக எம்.கே.சூரப்பாவை நியமித்து தமிழக ஆளுநர் உத்தரவிட்டுள்ளார்.

அண்ணா பல்கலை துணைவேந்தராக இருந்த, ராஜாராமின் பதவிக்காலம், 2016 மே மாதம் முடிந்தது. இரண்டு ஆண்டுகளாக, துணைவேந்தரை நியமிக்க முடியாமல், தமிழக அரசு திணறி வருகிறது. இதற்காக 3 தேடல் குழுக்கள் அமைக்கப்பட்டுள்ளன.

இதில் கடைசி 3ஆவது தேடல் குழு உச்சநீதிமன்ற முன்னாள் நீதிபதி, சிர்புர்கர் தலைமையில் அமைக்கப்பட்டது.

இந்நிலையில் அண்ணா பல்கலை. துணைவேந்தர் பதவிக்கு 3 பேரை பரிந்துரைக்க ஏப்ரல் 30ம் தேதி வரை அவகாசம் அளிக்கப்பட்டு அரசாணை வெளியிடப்பட்டுள்ளதாக இன்று மாலை தகவல் வெளியானது.

ஆனால் தேர்வுக் குழு கால அவகாசம் நீட்டிப்பு அறிவிப்பு வெளியான சில மணி நேரங்களிலேயே துணை வேந்தரை நியமித்து ஆளுநர் உத்தரவிட்டுள்ளார். எம்.கே.சூரப்பா துணை வேந்தராக மூன்று ஆண்டுகள் பதவியில் இருப்பார்.

கர்நாடகாவை சேர்ந்த எம்.கே.சூரப்பா இந்திய அறிவியல் மையத்தில் 24 ஆண்டுகள் பேராசிரியராகவும், 6 ஆண்டுகள் ஐ.ஐ.டி இயக்குநராக பணியாற்றியுள்ளார். சுமார் 150 ஆய்வுக்கட்டுரைகளை எழுதியுள்ளார்.

பிற செய்திகள்

சாத்தான்குளம் வழக்கு: 6 காவலர்கள் மீது கொலை வழக்கு பதிவு மாவட்டத்திற்குள் மட்டுமே பேருந்து போக்குவரத்து: முதல்வர் அறிவிப்பு சென்னை உள்ளிட்ட 4 மாவட்டங்களில் மீண்டும் முழு ஊரடங்கு மோடியை விமர்சித்த பத்திரிகையாளரை கைது செய்ய தடை திமுக எம்.எல்.ஏ. ஜெ. அன்பழகன் காலமானார் வழிபாட்டு தளங்கள், ஹோட்டல்களுக்கு வழிகாட்டுதல்கள்: மத்திய அரசு அரபிக்கடல் பகுதியில் புதிய காற்றழுத்த தாழ்வு நிலை உலக சுகாதார அமைப்பிலிருந்து அமெரிக்கா விலகல் : டிரம்ப் அதிரடி மீனவர்கள் ஜூன் 1-ம் தேதி முதல் மீன் பிடிக்கச் செல்லலாம் - தமிழக அரசு தமிழக அரசின் இ-சேவை மையத்தில் வேலைவாய்ப்பு

செய்தி கோப்புகள்: 2020 - ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்