சென்னை: 2017-ம் ஆண்டுக்கான சித்திரை தமிழ்ப் புத்தாண்டு விருதுகளைத் தமிழ் மொழி, இலக்கிய வளர்ச்சிக்கு தொண்டாற்றிய தமிழறிஞர்களுக்கு, தமிழக அரசு இன்று அறிவித்துள்ளது.

தமிழ் மொழிக்கும் தமிழ் இலக்கிய வளர்ச்சிக்கும் தொண்டாற்றிப் பெருமை சேர்த்த தமிழறிஞர்களுக்கும், தமிழ் வளர்ச்சிக்கும் தமிழ் மக்களின் முன்னேற்றத்திற்கும் பாடுபட்டுவரும் தமிழ் அமைப்புகளுக்கும், கணினி யுகத்திற்கேற்ப, தமிழ் மொழியைக் கணினியில் அனைத்துத் தளங்களிலும் பயன்படுத்தும் வகையில், தமிழ் மென்பொருள்களை உருவாக்குபவர்களை ஊக்குவிக்கும் வகையிலும், தமிழ் வளர்ச்சித் துறையால் விருதுகள் தோற்றுவிக்கப்பட்டு ஆண்டுதோறும் வழங்கிச் சிறப்பிக்கப்பட்டு வருகிறது.

அவ்வகையில், 2017-ஆம் ஆண்டுக்கான சித்திரைத் திங்கள் தமிழ்ப் புத்தாண்டு விருதுகள் இன்று அறிவிக்கப்பட்டுள்ளன.

தமிழ்த்தாய் விருது - 2017 : பெங்களூரு தமிழ்ச் சங்கம், பெங்களூரு
கபிலர் விருது-2017 : முனைவர் கு.வெ. பாலசுப்பிரமணியன்
உ.வே.சா விருது-2017: ச. கிருட்டினமூர்த்தி
கம்பர் விருது-2017: சுகி. சிவம்
சொல்லின் செல்வர் விருது-2017 : முனைவர் வைகைச் செல்வன்
ஜி.யு.போப் விருது-2017: கோ. இராஜேஸ்வரி கோதண்டம்
உமறுப்புலவர் விருது-2017 : ஹாஜி எம்.முகம்மது யூசுப்
இளங்கோவடிகள் விருது-2017: முனைவர் வெ. நல்லதம்பி
அம்மா இலக்கிய விருது-2017: முனைவர் எம்.எஸ். ஸ்ரீஇலட்சுமி, சிங்கப்பூர்
முதலமைச்சர் கணினித் தமிழ் விருது-2016: அல்டிமேட் மென்பொருள் தீர்வகம்

மொழிபெயர்ப்பாளர் விருது-2017 (10 விருதுகள்)

நெல்லை சு. முத்து, வசந்தா சியாமளம், தி.வ. தெய்வசிகாமணி (தெசிணி), முனைவர் இரா.கு. ஆல்துரை, ஆ. செல்வராசு (எ) குறிஞ்சிவேலன், பேராசிரியர் சி.அ. சங்கரநாராயணன், முனைவர் ஆனைவாரி ஆனந்தன், ஆண்டாள் பிரியதர்சினி, மறவன் புலவு சச்சிதானந்தம், முனைவர் தர்லோசன் சிங் பேடி

உலகத் தமிழ்ச் சங்க விருதுகள் 2016

இலக்கிய விருது - 2016 : நா.ஆண்டியப்பன், சிங்கப்பூர்
இலக்கண விருது - 2016 : பெஞ்சமின் லெபோ, பிரான்சு
மொழியியல் விருது - 2016 : முனைவர் சுபாஷினி, செருமானியம்
உலகத் தமிழ்ச் சங்க விருதுகள் 2017

இலக்கிய விருது - 2017: முனைவர் சந்திரிகா சுப்ரமணியன், ஆசுதிரேலியா
இலக்கண விருது - 2017: முனைவர் உல்ரிகே நிகோலஸ், செருமானியம்
மொழியியல் விருது - 2017 : மகாதேவ ஐயர் ஜெயராமசர்மா, ஆசுதிரேலியா

மாண்புமிகு தமிழ்நாடு முதலமைச்சர் அவர்கள் 5.4.2018 அன்று சென்னை, தலைமைச் செயலகத்தில் இவ்விருதுகளை விருதாளர்களுக்கு வழங்கவுள்ளார்.

தமிழ்த்தாய் விருது பெறும் அமைப்பினருக்கு விருதுத்தொகை ரூபாய் 5 இலட்சம் மற்றும் கேடயமும், கபிலர் விருது, உ.வே.சா விருது, கம்பர் விருது, சொல்லின் செல்வர் விருது, ஜி.யு.போப் விருது, உமறுப் புலவர் விருது, இளங்கோவடிகள் விருது, அம்மா இலக்கிய விருது மற்றும் முதலமைச்சரின் கணினித் தமிழ் விருது ஆகிய விருதுகளைப் பெறும் விருதாளர் ஒவ்வொருவருக்கும் ஒரு இலட்சம் ரூபாய் விருதுத் தொகையும், ஒரு சவரன் தங்கப் பதக்கமும் மற்றும் உலகத் தமிழ்ச் சங்க விருது, மொழிபெயர்ப்பாளர் விருது பெறும் விருதாளர் ஒவ்வொருவருக்கும் ஒரு இலட்சம் ரூபாய் விருதுத் தொகை வழங்கியும் விருதாளர்கள் அனைவருக்கும் தகுதியுரை வழங்கியும் பொன்னாடை அணிவித்தும் சிறப்பிக்கப்படுவார்கள்.

பிற செய்திகள்

தமிழ் அறிஞர் ஔவை நடராஜன் காலமானார் தமிழகம் முழுவதும் ஆர்.எஸ்.எஸ். பேரணி தற்காலிகமாக ஒத்திவைப்பு டிஜிட்டல் கரன்சி இன்று நவம்பர் 1 முதல் அறிமுகம்: ரிசர்வ் வங்கி குஜராத்தில் கேபிள் பாலம் அறுந்து விழுந்து விபத்து: 35 பேர் பலி தென் கொரிய ஹாலோவீன் விழா நெரிசல்: 153 பேர் பலி, 82 பேர் காயம் ஈரானில் வழிபாட்டு தலத்தில் நடந்த துப்பாக்கிச் சூட்டில் 15 பேர் பலி

செய்தி கோப்புகள்: 2022 - நவம்பர், அக்டோபர், ஜூலை, ஜூன், மே 2021 - செப்டம்பர் | ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்