ஜோகன்னஸ்பர்க்: தென்னாப்பிரிக்க இனவெறிக்கெதிரான போராட்ட தியாகியும், முன்னாள் தென் ஆப்பிரிக்க அதிபருமான நெல்சன் மண்டேலாவின் முன்னாள் மனைவி வின்னி மண்டேலா தனது 81வது வயதில் காலமானார்.

தென்னாப்பிரிக்காவில் நிறவெறிக்கு எதிராக போராடி 27 ஆண்டுகள் சிறையில் இருந்தவர் நெல்சன் மண்டேலா. இவரது மனைவி வின்னி மண்டேலா (வயது 81). நெல்சன் மண்டேலாவின் இனவெறிக்கு எதிரான போராட்டங்களில் அவருடன் இணைந்து செயல்பட்டவர்.

நெல்சன் மண்டேலா 27 வருடம் ஜெயிலில் இருந்த போது வெளியில் போராட்டத்தை முன்னின்று நடத்தியது வின்னி மண்டேலா தான்.

பின்னர் நெல்சன் மண்டேலா தென்னாப்பிரிக்க அதிபராக ஆன போது, அவரது ஆட்சியில் பல பல முக்கிய பதவிகளை வின்னி மண்டேலா வகித்துள்ளார்.

கடந்த வாரம் வெள்ளி கிழமை வின்னிக்கு காய்ச்சல் ஏற்பட்டது. இதற்காக ஜோகன்னெஸ்பர்க் நகரில் உள்ள மில்பார்க் மருத்துவமனையில் சிகிச்சைக்காக அவர் அனுமதிக்கப்பட்டார். எனினும் சிகிச்சை பலனளிக்காமல் வின்னி மண்டேலா இன்று காலமானார்.

மண்டேலாவுக்கு 3 மனைவிகள். மண்டேலா 1944-ம் ஆண்டு, ஈவிலின் மேசேயை மணந்தார். இவர்களுக்கு 4 குழந்தைகள். அதில் மூவர் மரணமடைந்துவிட்டனர். 1958-ம் ஆண்டு இருவரும் விவாக ரத்து செய்து கொண்டனர்.

1958-ம் ஆண்டு தன்னை விட 16 வயது இளையவரான வின்னியை மணந்தார் மண்டேலா. இவர்களுக்கு 2 குழந்தைகள் உண்டு. 40 ஆண்டுகாலம் இணைந்து வாழ்ந்த இந்த தம்பதியினர் 1998-ம் ஆண்டு பிரிந்தனர்.

பின்னர் மண்டேலா தனது 80-வது பிறந்த நாளில் மொசாம்பிகா முன்னாள் அதிபரின் விதவை மனைவி கிரேகா மச்சேசலை 3-வது திருணம் செய்தார்.

பிற செய்திகள்

சாத்தான்குளம் வழக்கு: 6 காவலர்கள் மீது கொலை வழக்கு பதிவு மாவட்டத்திற்குள் மட்டுமே பேருந்து போக்குவரத்து: முதல்வர் அறிவிப்பு சென்னை உள்ளிட்ட 4 மாவட்டங்களில் மீண்டும் முழு ஊரடங்கு மோடியை விமர்சித்த பத்திரிகையாளரை கைது செய்ய தடை திமுக எம்.எல்.ஏ. ஜெ. அன்பழகன் காலமானார் வழிபாட்டு தளங்கள், ஹோட்டல்களுக்கு வழிகாட்டுதல்கள்: மத்திய அரசு அரபிக்கடல் பகுதியில் புதிய காற்றழுத்த தாழ்வு நிலை உலக சுகாதார அமைப்பிலிருந்து அமெரிக்கா விலகல் : டிரம்ப் அதிரடி மீனவர்கள் ஜூன் 1-ம் தேதி முதல் மீன் பிடிக்கச் செல்லலாம் - தமிழக அரசு தமிழக அரசின் இ-சேவை மையத்தில் வேலைவாய்ப்பு

செய்தி கோப்புகள்: 2020 - ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்