உளுந்தூர்ப்பேட்டை: காவிரி மேலாண்மை வாரியம் அமைக்காத மத்திய அரசை கண்டித்தும் சுங்கச்சாவடிகளை நிரந்தரமாக அகற்றக் கோரியும் போராட்டம் நடத்திய தமிழக வாழ்வுரிமை கட்சியியினா் கைது செய்யப்பட்டனா்.

உச்ச நீதிமன்ற தீர்ப்பின்படி 6 வாரத்திற்குள் காவிரி மேலாண்மை வாரியம் அமைக்காமல் கர்நாடகாவுக்கு ஆதரவாக காலம் தாழ்த்தும் மத்திய அரசை கண்டித்தும், தமிழகத்தில் உள்ள சுங்கச்சாவடிகளை அகற்றக் கோரியும், தமிழக வாழ்வுரிமை கட்சியினர் தலைவர் வேல்முருகன் தலைமையில் உளுந்தூர்ப்பேட்டை சுங்கச்சாவடியில் போராட்டத்தில் ஈடுபட்டனர்.

போராட்டத்தின் போது ஏற்பட்ட மோதலில் சுங்கச்சாவடி மையத்தின் கண்ணாடிகள் அடித்து நொறுக்கப்பட்டன. இதையடுத்து, தமிழக வாழ்வுரிமை கட்சித் தலைவர் வேல்முருகன் உள்ளிட்ட சுமார் 500க்கும் மேற்பட்டோர் கைது செய்யப்பட்டனர்.

காவிரி நதிநீர் பங்கீடு விவகாரத்தில் உச்சநீதிமன்ற தீர்ப்பின் படி காவிரி மேலாண்மை வாரியம் அமைக்காமல் கர்நாடகாவுக்கு ஆதரவாக செயல்படும் மத்திய அரசை எதிர்த்து, தமிழக அரசு உச்சநீதிமன்றத்தில் நேற்று (31-03-2018) அன்று நீதிமன்ற அவமதிப்பு வழக்கு தொடர்ந்துள்ளது.

இருப்பினும் மத்திய அரசுக்கு எதிரான தமிழகமெங்கும் கொந்தளிப்பான சூழ்நிலையே நிலவுகிறது. கட்சிகள் அல்லாது பொதுமக்களும் தாமாகவே முன் வந்து நேற்று (31-03-2018) அன்று மெரினா கடற்கரையில் தடையை மீறி போராட்டத்தில் ஈடுபட்டதும் குறிப்பிடத்தக்கது.

பிற செய்திகள்

தமிழ் அறிஞர் ஔவை நடராஜன் காலமானார் தமிழகம் முழுவதும் ஆர்.எஸ்.எஸ். பேரணி தற்காலிகமாக ஒத்திவைப்பு டிஜிட்டல் கரன்சி இன்று நவம்பர் 1 முதல் அறிமுகம்: ரிசர்வ் வங்கி குஜராத்தில் கேபிள் பாலம் அறுந்து விழுந்து விபத்து: 35 பேர் பலி தென் கொரிய ஹாலோவீன் விழா நெரிசல்: 153 பேர் பலி, 82 பேர் காயம் ஈரானில் வழிபாட்டு தலத்தில் நடந்த துப்பாக்கிச் சூட்டில் 15 பேர் பலி

செய்தி கோப்புகள்: 2022 - நவம்பர், அக்டோபர், ஜூலை, ஜூன், மே 2021 - செப்டம்பர் | ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்