புதுதில்லி: அரசின் நலத்திட்டங்களைப் பெறுவதற்காக ஆவணங்களில் ஆதார் எண்ணை இணைப்பதற்கான கால அவகாசத்தை 3 மாதங்கள் நீடித்து மத்திய அரசு அறிவித்துள்ளது.

பல்வேறு அரசு நலத்திட்டங்களைப் பெறுவதற்கு ஆதார் எண்ணை இணைப்பது கட்டாயம். இதன்படி ஆதார் எண்ணை அரசுத் திட்டங்களின் ஆவணங்களுடன் இணைப்பதற்கான கடைசி நாள் மார்ச் 31ஆம் தேதி என்று அறிவிக்கப்பட்டிருந்தது. மத்திய அரசு இன்று இதனை மேலும் 3 மாதங்கள் நீட்டித்து ஜூன் 30ஆம் தேதி வரை அவகாசம் அளித்துள்ளது.

அதே போல் வருமான வரி நிரந்தர கணக்கு எண்ணை (பான்), ஆதார் எண்ணுடன் இணைக்கும் தேதியை ஜூன் 30ம் தேதி வரை நீட்டித்து மத்திய நேரடி வரிவிதிப்பு வாரியம் உத்தரவிட்டுள்ளது.

ஆதார் எண்ணுடன் வருமான வரி பான் கார்டை இணைக்கும் கடைசி தேதி, ஏற்கனவே மூன்று முறை நீட்டிக்கப்பட்டது. இந்நிலையில், வருமான வரி நிரந்தர கணக்கு எண்ணை, ஆதார் எண்ணுடன் இணைக்கும் தேதியை ஜூன் 30ம் தேதி வரை நீட்டித்து மத்திய நேரடி வரிவிதிப்பு வாரியம் உத்தரவிட்டுள்ளது.

ஆதார் தொடர்பான வழக்கில் அரசியல் சாசன அமர்வின் தீர்ப்புவரும் வரை ஆதார் எண்ணை வங்கி, மொபைல் எண், பான் கார்டு ஆகியவற்றுடன் இணைப்பது கட்டாயமில்லை என்று உச்சநீதிமன்றம் மார்ச் 13ஆம் தேதி அறிவித்தது குறிப்பிடத்தக்கது.

பிற செய்திகள்

தமிழ் அறிஞர் ஔவை நடராஜன் காலமானார் தமிழகம் முழுவதும் ஆர்.எஸ்.எஸ். பேரணி தற்காலிகமாக ஒத்திவைப்பு டிஜிட்டல் கரன்சி இன்று நவம்பர் 1 முதல் அறிமுகம்: ரிசர்வ் வங்கி குஜராத்தில் கேபிள் பாலம் அறுந்து விழுந்து விபத்து: 35 பேர் பலி தென் கொரிய ஹாலோவீன் விழா நெரிசல்: 153 பேர் பலி, 82 பேர் காயம் ஈரானில் வழிபாட்டு தலத்தில் நடந்த துப்பாக்கிச் சூட்டில் 15 பேர் பலி

செய்தி கோப்புகள்: 2022 - நவம்பர், அக்டோபர், ஜூலை, ஜூன், மே 2021 - செப்டம்பர் | ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்