புதுதில்லி: கர்நாடகாவில், மே 12-ம் தேதி சட்டசபைத் தேர்தல் நடைபெறும், காவிரி மேலாண்மை வாரியம் அமைப்பதற்கும், கர்நாடக சட்டமன்ற தேர்தலுக்கும் எந்த சம்பந்தமுமில்லை என இந்திய தலைமைத் தேர்தல் ஆணையர் ஓம்பிரகஷ் ராவத் தெரிவித்துள்ளார்.

காங்கிரஸ் கட்சியின் சித்தராமையா ஆட்சி வரும் மே மாதத்துடன் 5 ஆண்டை நிறைவு செய்ய உள்ளது. இதையடுத்து அங்கு சட்டசபைத் தேர்தல் தேதியை இந்தியத் தேர்தல் ஆணையம் இன்று அறிவித்தது.

=> கர்நாடகாவில் வேட்பு மனு தாக்கல் ஏப்ரல் 17-ம் தேதி முதல் தொடங்கப்படும்.

=> வேட்பு மனு தாக்கல் செய்ய கடைசி நாள் ஏப்ரல் 24-ம் தேதி.

=> வரும் மே மாதம் 12-ம் தேதி, வாக்குப்பதிவு நடைபெறுகிறது.

=> 15-ம் தேதி முடிவுகள் அறிவிக்கப்படும்.

=> மொத்தமுள்ள 224 தொகுதிகளிலும் தேர்தல் நடைபெறும்.

என தலைமைத் தேர்தல் ஆணையர் தெரிவித்தார்.

கர்நாடகாவில், ஒரு வேட்பாளரின் தேர்தல் செலவினம் 28 லட்சம் ரூபாயாக நிர்ணயிக்கப்பட்டுள்ளது. வாக்காளர்களுக்கு, புகைப்படத்துடன்கூடிய வாக்குச் சீட்டு ஒரு வாரத்துக்கு முன்பே தரப்படும், யாருக்கு வாக்களித்தோம் என்பதை அறிந்துகொள்ள வி.வி.பி.ஏ.டி (Voter-verified paper audit trail) சீட்டு வழங்கப்படும்.

தேர்தல் நடக்கும் காலங்களில், உச்ச நீதிமன்றம் அறிவித்த காவிரி மேலாண்மை வாரியம் அமைப்பதில் தேர்தல் ஆணையம் தலையிடாது. வாரியம் அமைக்க வேண்டும் என்றால் அமைத்துக்கொள்ளலாம். இதற்கும் தேர்தல் ஆணையத்துக்கும் எந்த சம்பந்தமும் இல்லை என தேர்தல் ஆணையர் ஓம் பிரகாஷ் ராவத் கூறினார்.

பிற செய்திகள்

தமிழ் அறிஞர் ஔவை நடராஜன் காலமானார் தமிழகம் முழுவதும் ஆர்.எஸ்.எஸ். பேரணி தற்காலிகமாக ஒத்திவைப்பு டிஜிட்டல் கரன்சி இன்று நவம்பர் 1 முதல் அறிமுகம்: ரிசர்வ் வங்கி குஜராத்தில் கேபிள் பாலம் அறுந்து விழுந்து விபத்து: 35 பேர் பலி தென் கொரிய ஹாலோவீன் விழா நெரிசல்: 153 பேர் பலி, 82 பேர் காயம் ஈரானில் வழிபாட்டு தலத்தில் நடந்த துப்பாக்கிச் சூட்டில் 15 பேர் பலி

செய்தி கோப்புகள்: 2022 - நவம்பர், அக்டோபர், ஜூலை, ஜூன், மே 2021 - செப்டம்பர் | ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்