சென்னை: தமிழகத்தில் கலவரத்தைத் தூண்டும் வகையில் பேசி வரும் பாரதிய ஜனதா கட்சியின் தேசிய செயலாளர் ஹெச். ராஜாவைக் கைது செய்து மனநல பரிசோதனைக்கு உட்படுத்த கோரும் புகார் மீது எடுக்கப்பட்டுள்ள நடவடிக்கை குறித்து சென்னை உயர் நீதி மன்றம் காவல்துறையிடம் கேள்வி எழுப்பியுள்ளது.

தமிழகத்தில் தொடர்ந்து வன்முறையைத் தூண்டும் வகையிலும், பொது அமைதிக்கு கேடு விளைவிக்கும் வகையிலும் பேசி வரும் பாரதிய ஜனதா கட்சியின் தேசிய செயலாளர் ஹெச். ராஜாவை கைது செய்து மனநல மருத்துவரிடம் பரிசோதனைக்கு உட்படுத்த வேண்டும் என சென்னை காவல் ஆணையர் மற்றும் அம்பத்தூர் காவல் ஆய்வாளரிடம் திருவேற்காட்டைச் சேர்ந்த வழக்கறிஞர் தமிழ்வேந்தன் இந்த மாதம் 7ம் தேதி புகார் அளித்தார்.

இந்தப் புகார் குறித்து எந்த நடவடிக்கையும் இதுவரை எடுக்கப்படாததால், அவர் சென்னை உயர்நீதிமன்றத்தில், தனது புகார் மீது காவல் ஆய்வாளர் நடவடிக்கை எடுக்க உத்தரவிடுமாறு மனு தாக்கல் செய்தார்.

இந்த வழக்கை விசாரித்த சென்னை உயர்நீதிமன்ற நீதிபதி எம்.எஸ்.ரமேஷ், ஹெச். ராஜாவை மனநல பரிசோதனைக்கு உட்படுத்தக் கோரும் புகார் மீது என்ன நடவடிக்கை எடுக்கப்பட்டுள்ளது என்று கேள்வி எழுப்பினார்.

வழக்கு குறித்து காவல்துறையின் விளக்கத்தினைப் பெற்று நீதிமன்றத்தில் தெரிவிப்பதாக அரசுத் தரப்பு வழக்கறிஞர் தெரிவித்ததை அடுத்து வழக்கு விசாரணையை வரும் 28ம் தேதிக்கு நீதிபதி ஒத்திவைத்தார்.

பிற செய்திகள்

தமிழ் அறிஞர் ஔவை நடராஜன் காலமானார் தமிழகம் முழுவதும் ஆர்.எஸ்.எஸ். பேரணி தற்காலிகமாக ஒத்திவைப்பு டிஜிட்டல் கரன்சி இன்று நவம்பர் 1 முதல் அறிமுகம்: ரிசர்வ் வங்கி குஜராத்தில் கேபிள் பாலம் அறுந்து விழுந்து விபத்து: 35 பேர் பலி தென் கொரிய ஹாலோவீன் விழா நெரிசல்: 153 பேர் பலி, 82 பேர் காயம் ஈரானில் வழிபாட்டு தலத்தில் நடந்த துப்பாக்கிச் சூட்டில் 15 பேர் பலி

செய்தி கோப்புகள்: 2022 - நவம்பர், அக்டோபர், ஜூலை, ஜூன், மே 2021 - செப்டம்பர் | ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்