மாஸ்கோ: ரஷ்ய அதிபராக விளாடிமிர் புதின் மீண்டும் தேர்வு செய்யப்பட்டுள்ளார். அடுத்த ஆறு ஆண்டுகளுக்கு அவர் அதிபராக நீடிப்பார்.

ரஷியாவில் நேற்று நடைபெற்ற அதிபர் தேர்தலில் அதிபர் விளாடிமிர் புதின் (வயது 65), தொடர்ந்து 2-வது முறையாக அதிபர் பதவி வகிக்க போட்டியிட்டார். அவரை எதிர்த்து பவல் குருதினின், விளாடிமிர் ஜிரினோவ்ஸ்கை, செர்கெய் பாபுரின், கிரிகோரி யாவ்லின்ஸ்கை, போரிஸ் டிட்டோவ், கெசெனி சோப்சாக், மேக்சிம் சுராய்கின் என 7 வேட்பாளர்கள் போட்டியிட்டனர்.

அதிபர் தேர்தலுக்காக 96 ஆயிரம் வாக்குச்சாவடிகள் அமைக்கப்பட்டிருந்தன. உள்ளூர் நேரப்படி காலை 8 மணி முதல் இரவு எட்டு மணி வரை வாக்குச்சீட்டு முறையில் வாக்குப்பதிவு நடைபெற்றது. மக்கள் நீண்ட வரிசையில் நின்று ஆர்வத்துடன் வாக்களித்தனர்.

வாக்குப்பதிவு முடிந்தவுடன், பதிவான வாக்குகள் உடனடியாக எண்ணப்பட்டன. இதில் சுமார் 76% வாக்குகளைப் பெற்று விளாடிமிர் புதின் மீண்டும் அதிபராக தேர்ந்தெடுக்கப்பட்டுள்ளார். அவருக்கு அடுத்து கம்யூனிஸ்ட் கட்சியை சேர்ந்த பவல் குருதினின் 12% வாக்குகளைப் பெற்றார்.

இதையடுத்து தனது ஆதரவாளர்களிடம் பேசிய விளாடிமிர் புதின் “கடந்த சில ஆண்டுகளில் செய்த சாதனைகளுக்கான அங்கீகாரம். மக்களின் நம்பிக்கையையும், உறுதியையும் தேர்தல் முடிவுகள் மூலம் நான் காண்கிறேன்” என்றார்.

ரஷ்ய அதிபராக 2-வது முறையாக தேர்வு செய்யப்பட்டுள்ள புதின் அடுத்த 6 ஆண்டுகளுக்கு இப்பதவியில் நீடிப்பார்.

பிற செய்திகள்

தமிழ் அறிஞர் ஔவை நடராஜன் காலமானார் தமிழகம் முழுவதும் ஆர்.எஸ்.எஸ். பேரணி தற்காலிகமாக ஒத்திவைப்பு டிஜிட்டல் கரன்சி இன்று நவம்பர் 1 முதல் அறிமுகம்: ரிசர்வ் வங்கி குஜராத்தில் கேபிள் பாலம் அறுந்து விழுந்து விபத்து: 35 பேர் பலி தென் கொரிய ஹாலோவீன் விழா நெரிசல்: 153 பேர் பலி, 82 பேர் காயம் ஈரானில் வழிபாட்டு தலத்தில் நடந்த துப்பாக்கிச் சூட்டில் 15 பேர் பலி

செய்தி கோப்புகள்: 2022 - நவம்பர், அக்டோபர், ஜூலை, ஜூன், மே 2021 - செப்டம்பர் | ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்