கொழும்பு: முத்தரப்பு டி20 தொடர் பைனலில் வங்கதேசத்தை வீழ்த்தி இந்திய அணி சாம்பியன் பட்டம் வென்றது.

டாஸ் வென்ற ரோஹித் சர்மா முதலில் பந்துவீச்சை தேர்வு செய்தார். இதனையடுத்து களமிறங்கிய வங்கதேச அணி வீரர்கள் துவக்கம் முதலே சீரான இடைவேளையில் விக்கெட்டுகளை இழந்தது. இறுதியில் 20 ஓவர்கள் முடிவில் 8 விக்கெட் இழப்புக்கு 166 ரன்கள் எடுத்தது.

வங்கதேசஅணியின் சபீர் ரகுமான் 77 ரன்கள் விளாசினார். இந்திய அணி தரப்பில் சிறப்பாக பந்துவீசிய சகால் 3 விக்கெட்டுகளை வீழ்த்தினார்.

இதையடுத்து 20 ஓவர்களில் 167 ரன்கள் எடுத்தால் வெற்றி என்ற இலக்குடன் இந்திய அணி களமிறங்கியது. ரெய்னா ரன் ஏதும் எடுக்காமாலும் தவான் 10 ரன்களில் அவுட் ஆனார்கள். ஆனால் ரோகித் சர்மா நிலைத்து நின்று ஆடி 56 ரன் எடுத்தார். கே.எல். ராகுல் 24 ரன்களும், மனீஷ் பாண்டே 28 ரன்களும் எடுத்தனர்.

ஆனால் 18வது ஓவரில் விஜய் சங்கர் 4 பந்துகளில் ரன் ஏதும் எடுக்காதலால், நிலைமை மிகவும் மோசமானது. கடைசி 2 ஓவரில் 34 ரன்கள் எடுத்தால் வெற்றி என்ற நிலையில் விளையாட வந்த தினேஷ் கார்த்திக் 18வது ஓவரில் 22 ரன்கள் எடுத்தார்.

இதனால் கடைசி ஓவரில் 12 ரன் எடுத்தால் வெற்றி என்ற நிலையில் முதல் 4 பந்துகளில் 7 ரன்கள் எடுத்த நிலையில் 5வது பந்தில் விஜய் சங்கர் அவுட் ஆனார். கடைசி பந்தில் 5 ரன் எடுக்க வேண்டிய நிலையில் தினேஷ் கார்த்திக் அபாரமாக அடித்து 6 ரன்கள் எடுத்து இந்தியா வெற்றி பெற உதவினார்.

இவ்வாறு கடைசி பந்தில் இந்தியா வெற்றி பெற்று கோப்பையை வென்றது. தினேஷ் கார்த்திக் ஆட்ட நாயகனாகவும், வாஷிங்டன் சுந்தர் தொடர் நாயகனாகவும் தேர்ந்தெடுக்கப்பட்டனர்.

பிற செய்திகள்

ஒலிம்பிக்கில் இந்தியாவுக்கு வெள்ளி வென்றார் மீராபாய் சானு

செய்தி கோப்புகள்: 2021 - ஜுலை | ஜூன் | மே | மார்ச் | ஜனவரி 2020 - டிசம்பர் | நவம்பர் | அக்டோபர் | செப்டம்பர் | ஜூலை | ஜூன் | மே | ஏப்ரல் | மார்ச் | பிப்ரவரி | ஜனவரி 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்