உண்பது, உறங்குவது, ஓய்வெடுப்பது, பேசுவது போன்றவை பாமரர்க்குச் சிறு செயல்களாம். ஆனால் அவைகளில் மிளிரும் மாண்பு மேலோர்க்கே விளங்கும். அப்போதைக்கப்போது செய்ய வேண்டிய அலுவல்களை அவர்கள் ஆர்வத்துடன் புரிகின்றனர். தவறுதல் ஒன்றை மட்டும் அவர்கள் தவிர்க்கின்றனர். மற்று, அவசரப்படுவதும் ஒத்திவைப்பதும் அலட்சியப்படுத்துவதும் அவர்களுக்கில்லை. இங்ஙனம் சிறு செயல்களினின்று நிறைநிலை பெரியோர்க்கு வந்தமைகின்றது.