தூத்துக்குடி: ஸ்டெர்லைட் ஆலையை மூட தமிழக அரசு நடவடிக்கை எடுத்துவருவதாக மாவட்ட ஆட்சியர் சந்தீப் நந்தூரி அறிவித்துள்ளார்.

தூத்துக்குடி ஸ்டெர்லைட் ஆலையை மூடக் கோரி 100 நாட்களாக மக்கள் போராடி வந்தனர். 100 வது நாள் போராட்டத்தின் போது காவல்துறையினர் நடத்திய துப்பாக்கி சூட்டில் இதுவரை 13 பேர் உயிரிழந்துள்ளனர்.

இதையடுத்து மாவட்ட ஆட்சியர் மற்றும் மாவட்ட காவல்துறை தலைவர் ஆகியோர் மாற்றப்பட்டனர். புதிய ஆட்சியராக பதவி ஏற்ற சந்தீப் நந்தூரி தூத்துக்குடியில் இயல்பு நிலை திரும்ப பல்வேறு நடவடிக்கைகளை எடுத்தார்.

இன்று மாலை ஆட்சியர் அலுவலகத்தில் அமைதிக் குழு கூட்டம் ஆட்சியர் தலைமையில் நடைபெற்றது. அதன் பின்னர் செய்தியாளர்களிடம் பேசிய ஆட்சியர் சந்தீப் நந்தூரி, ஸ்டெர்லைட் ஆலையை மூட தமிழக அரசு முடிவு செய்திருப்பதாகத் தெரிவித்தார். ஆலையை மூடவே மின்சாரம், குடிநீர் இணைப்பு துண்டிக்கப்பட்டுள்ளது என்று கூறினார்.

துப்பாக்கி சூட்டில் இதுவரை 13 பேர் பலியாகி உள்ளதாகவும், 19 பேர் படுகாயம் அடைந்துள்ளதாகவும், 83 பேர் காயம் அடைந்துள்ளதாகவும் தெரிவித்தார். 29 ஆண் காவலர்களும், 10 பெண் காவலர்களும் காயமடைந்துள்ளதாகத் தெரிவித்தார்.

110 வாகங்கள் சேதப்பட்டுத்தப்பட்டுள்ளன என்றும் அவற்றின் மதிப்பு சுமார் 1.27 கோடி எனவும் ஆட்சியர் அலுவலகத்தில் சுமார் 29 லட்சம் ரூபாய் மதிப்பிலான பொருட்கள் சேதப்படுத்தப்பட்டுள்ளதாகத் தெரிவித்தார்.

தூத்துக்குடியில் இயல்பு நிலை திரும்பும் விதமாக நாளை ரேசன் கடைகளை திறக்க உத்தரவிடப்பட்டுள்ளதாகத் தெரிவித்தார். நகரப் பேருந்துகள் இயக்குவது குறித்து நாளை முடிவு எடுக்கப்படும் எனத் தெரிவித்தார்.

பிற செய்திகள்

ஹைதராபாத் பெண் மருத்துவர் கொலை: குற்றம்சாட்டப்பட்ட 4 பேர் சுட்டுக்கொலை டிசம்பர் 27, 30ல் இரு கட்ட உள்ளாட்சித் தேர்தல் - ஜனவரி 2ல் தேர்தல் முடிவு

செய்தி கோப்புகள்: 2019 - டிசம்பர் | நவம்பர் | அக்டோபர் | செப்டம்பர் | ஆகஸ்டு | ஜூன் | ஏப்ரல் | மார்ச் | பிப்ரவரி | ஜனவரி 2018 - மார்ச் | ஏப்ரல் | மே | ஜூன் | ஜூலை | ஆகஸ்டு | செப்டம்பர் | அக்டோபர் | நவம்பர் | டிசம்பர்