பல்சுவை இணைய இதழ்
  


கேரளாவில் நிபா வைரஸ் தாக்குதலால் 10 பேர் உயிரிழப்பு

கடைசியாக புதுப்பிக்கப்பட்டது : மே21, 2018, 12:30 [IST]

திருவனந்தபுரம்: கேரளாவில், கோழிக்கோடு மற்றும் மலப்புரம் மாவட்டங்களில் நிபா வைரஸ் (Nipah virus) தாக்கி கடந்த இரு தினங்களில் 10 பேர் உயிரிழந்துள்ளனர்.

வௌவால் மூலம் பரவும் நிபா வைரஸ் காய்ச்சல் கேரளத்தை ஆட்டிப்படைக்கிறது. கேரள மாநிலம் கோழிக்கோடு மாவட்டத்தில், முகமது ஸாலிஹ், அவரின் சகோதரர் முகமது ஸாபித் மற்றும் அவர்களின் உறவினர் மரியம் ஆகியோர் அடுத்தடுத்து மர்மமான முறையில் இறந்தனர். நிபா வைரஸ் தாக்கியதால் இறந்திருப்பதை மருத்துவர்கள் உறுதிசெய்தனர். நிபா காய்ச்சலால் இறந்த முகமது ஸாபித்தை பராமரித்த நர்ஸ் லினியும் (31) இறந்தார்.

மலப்புரம் மாவட்டத்தில் 7 பேர் இறந்தனர். பெரம்பாரா கிராமத்தில் ஒரே குடும்பத்தை சேர்ந்த மூன்று பேர் இறந்து போனார்கள். அவர்களின் ரத்த மாதிரியில் நிபா வைரஸ் இருப்பதை புனேவில் உள்ள தேசிய வைரலாஜி நிறுவனம் உறுதிசெய்துள்ளது.

இதையடுத்து மத்திய சுகாதாரத்துறை அமைச்சர் நட்டா உத்தரவின் பேரில் இந்திய மருத்துவ ஆராய்ச்சிக் கழகத்தின் வல்லுநர் குழு இன்று கோழிக்கோடு வந்து, நோயாளிகளை பரிசோதனை செய்ய உள்ளது.

இந்த வைரஸை தாங்கிச் செல்லும் வவ்வால்கள் கடித்த பழங்களை சாப்பிடுவதால் இந்த காய்ச்சல் பரவுவதாகத் தெரிகிறது. முதலில் மூச்சு விட சிரமமாக இருக்கும், பின்னர் கடுமையான தலைவலி ஏற்பட்டு காய்ச்சலும் வரும். இது மூளைக் காய்ச்சலாக முற்றுகிறது. பாதிக்கப்பட்டவர்களில் 75% உயிரழக்கின்றனர் என்பது குறிப்பிடத்தக்கது.

தமிழகத்தில் நிபா வைரஸ் தமிழகத்தில் பரவாமல் தடுக்க அனைத்து முன்னெச்சரிக்கை நடவடிக்கையும் எடுக்கப்பட்டுள்ளதாக சுகாதாரத்துறைச் செயலாளர் டாக்டர் ராதாகிருஷ்ணன் தெரிவித்தார். எல்லையோரப் பகுதிகளில் நோய் பாதித்தவர்கள் குறித்த கண்காணிப்பு தீவிரப்படுத்தப் பட்டுள்ளதாகவும் அவர் தெரிவித்தார்.

பிற செய்திகள்






எமது கௌதம் பதிப்பகம் & தரணிஷ் பப்ளிகேசன்ஸ் சார்பில் நூல் வெளியிட தொடர்பு கொள்க பேசி: +91-94440-86888
உங்களின் யூடியூப் வீடியோ மூலம் வருமானம் ஈட்ட வேண்டுமா? - ஒரு முறை கட்டணம் : Rs. 1000/- பேசி: 9444086888



இக பர இந்து மத சிந்தனை
இருப்பு உள்ளது
ரூ.70.00
Buy

நேசிக்கிறேன்...
இருப்பு உள்ளது
ரூ.45.00
Buy

தேவதை உலா
இருப்பு உள்ளது
ரூ.40.00
Buy

இசையில் நடனத்தில் ரஸம்
இருப்பு உள்ளது
ரூ.50.00
Buy
நீங்கள் எத்தனை நூல் வாங்கினாலும் அஞ்சல் கட்டணம் ஒரு நூலுக்கு மட்டும் செலுத்தவும்.
உதாரணமாக 3 நூல்கள் ரூ.50+ரூ.60+ரூ.90 என வாங்கினால், அஞ்சல் கட்டணம் ரூ.30 (சென்னை) சேர்த்து ரூ. 230 செலுத்தவும்.
அஞ்சல் செலவு: சென்னை: ரூ.30 | இந்தியா: ரூ.50 | (வெளிநாடு: நூலுக்கேற்ப மாறுபடும். தொடர்பு கொள்க: +91-9444086888)