பல்சுவை இணைய இதழ்
  


4 டி.எம்.சி. தண்ணீர் தர உச்சநீதிமன்றம் உத்தரவு: சித்தராமையா மறுப்பு

கடைசியாக புதுப்பிக்கப்பட்டது : மே 03, 2018, 15:40 [IST]

புதுதில்லி: காவிரியிலிருந்து தமிழகத்திற்கு 4 டிஎம்சி தண்ணீரை உடனே வழங்க உச்சநீதிமன்றம் உத்தரவு பிறப்பித்தது. ஆனால் கர்நாடக அணைகளில் தண்ணீர் திறக்கும் அளவிற்கு போதிய நீர் இல்லாததால், தமிழகத்திற்கு தண்ணீர் திறக்க முடியாது என கர்நாடக முதலமைச்சர் சித்தராமையா தெரிவித்துள்ளார்.

இன்று காவிரி நதி நீர் பங்கீடு தொடர்பான வழக்கின் விசாரணை சுப்ரீம் கோர்ட்டில் தொடங்கியதும் மத்திய அரசு சார்பில் காவிரி வழக்கில் வரைவு திட்டத்தை தாக்கல் செய்ய கால அவகாசம் கேட்கப்பட்டது.

வரைவு திட்டம் தயாராகி விட்டதாகவும், கர்நாடக தேர்தல் பிரசாரத்தில் பிரதமர் மற்றும் மத்திய அமைச்சர்கள் இருப்பதால் மத்திய அமைச்சரவையின் ஓப்புதல் பெற முடியவில்லை எனவும் தெரிவித்தது.

இதையடுத்து ஏப்ரல் மே மாதங்களில் தமிழகத்திற்கு தர வேண்டிய 4 டிஎம்சி நீரைத் திறந்து விட கர்நாடகவிற்கு உச்ச நீதிமன்றம் உத்தரவு பிறப்பித்தது. மேலும் கர்நாடகா உத்தரவை மீறினால் கடும் விளைவுகளை சந்திக்க நேரிடும் எனவும் எச்சரித்தது.

ஆனால் கர்நாடகா சார்பில் அரசு 4 டிஎம் சி நீர் தர மறுப்பு தெரிவிக்கப்பட்டது. தமிழகத்திற்கு தண்ணீர் திறக்க மறுத்தால் கர்நாடக தலைமை செயலாளரை நீதிமன்றத்திற்கு அழைக்கும் நிலை ஏற்படும் என உச்ச நீதிமன்றம் எச்சரித்தது.

தற்போது செயல் திட்டம் அமலில் இல்லாத நிலையில் ஏப்ரல், மே மாதங்களில் தமிழகத்திற்கு உரிய காவிரி நீரை திறப்பது கர்நாடக அரசின் கடமை என சுப்ரீம் கோர்ட் நீதிபதிகள் தெரிவித்தனர். மேலும் வழக்கை வரும் 8 ந்தேதிக்கு ஒத்தி வைத்தனர்.

தீர்ப்பை அடுத்து பேசிய கர்நாடக முதல்வர் சித்தராமையா “தமிழகத்துக்கு நீர் திறந்துவிடும் அளவுக்கு கர்நாடக அணைகளில் தண்ணீர் இல்லை. எங்களுக்கே நீர் இல்லாத போது தமிழகத்திற்கு எங்கே நீரை தரமுடியும். தீர்ப்பு பற்றி கர்நாடக அரசு வழக்கறிஞர் உடன் விவாதிப்பேன்” என்று தெரிவித்தார்.

பிற செய்திகள்






எமது கௌதம் பதிப்பகம் & தரணிஷ் பப்ளிகேசன்ஸ் சார்பில் நூல் வெளியிட தொடர்பு கொள்க பேசி: +91-94440-86888
உங்களின் யூடியூப் வீடியோ மூலம் வருமானம் ஈட்ட வேண்டுமா? - ஒரு முறை கட்டணம் : Rs. 1000/- பேசி: 9444086888



புதிய பார்வை
இருப்பு உள்ளது
ரூ.50.00
Buy

பசியின் நிறம் வெள்ளை
இருப்பு உள்ளது
ரூ.70.00
Buy

சீனாவில் இன்ப உலா
இருப்பு உள்ளது
ரூ.60.00
Buy

என் காதல் தேவதையே
இருப்பு உள்ளது
ரூ.100.00
Buy

என்னில் பூத்தவை
இருப்பு உள்ளது
ரூ.45.00
Buy
நீங்கள் எத்தனை நூல் வாங்கினாலும் அஞ்சல் கட்டணம் ஒரு நூலுக்கு மட்டும் செலுத்தவும்.
உதாரணமாக 3 நூல்கள் ரூ.50+ரூ.60+ரூ.90 என வாங்கினால், அஞ்சல் கட்டணம் ரூ.30 (சென்னை) சேர்த்து ரூ. 230 செலுத்தவும்.
அஞ்சல் செலவு: சென்னை: ரூ.30 | இந்தியா: ரூ.50 | (வெளிநாடு: நூலுக்கேற்ப மாறுபடும். தொடர்பு கொள்க: +91-9444086888)